కేసీఆర్ ఒక్కటంటే... బాబు రెండంటున్నాడు...???

Posted: 06/16/2014 05:07 PM IST

తెలంగాణ రాష్ట్రం ఏర్పడిన తరువాత తొలి ముఖ్యమంత్రి గా ప్రమాణ స్వీకారం చేసిన కేసీఆర్ ఎన్నికల్లో ఇచ్చిన హామీలను నిలబెట్టుకోవడానికి శత విధాల ప్రయత్నిస్తున్న విషయం తెలిసిందే. ఇక దాదాదాపు పదేళ్ళు ప్రతి పక్షంలో కూర్చుండి ఎట్టకేలకు అధికారాన్ని చేజిక్కుంచుకొని ఆంధ్రప్రదేశ్ తొలి ముఖ్యమంత్రిగా ప్రమాణ స్వీకారం చేశాడు. ఈ ఇరు రాష్ట్రాల ముఖ్యమంత్రుల్లో కేసీఆర్ ఒక్కటంటే... బాబు రెండంటున్నాడు.

ఇంతకీ విషయం ఏంటంటే... కేసీఆర్ రైతుల పంట రుణమాఫీ లక్ష రూపాయలే కాకుండా,  బంగారం రుణాలతో సహా చేస్తానని సభా ముఖంగా ప్రకటించాడు. ఇప్పుడు ఆంధ్రప్రదేశ్ ముఖ్యమంత్రి రెండు పంట, బంగారం రుణాలు కలిసి రెండు లక్షల వరకు మాఫీ చేయాలని చూస్తున్నట్లు టీ.టీడీపీనేత ఎర్రబెల్లి దయాకర్ రావు ఓ పత్రికకు ఇచ్చిన ఇంటర్య్వూలో చెప్పుకొచ్చాడు. రైతులకు సంబంధించి గోల్డ్‌లోన్ల తో సహా రూ.2 లక్షల లోపు అన్నీ మాఫీ చేయాలనే సంకల్పంతో ఉన్నారని, మాట నిలబెట్టుకోవాలని చూస్తున్నారని, ఈ విషయం ఆయనే తనకు స్వయంగా చెప్పారని దయాకరరావు వెల్లడించారు.

లోటు బడ్జెట్ ఉన్నా అక్కడ రుణమాఫీని చెప్పిన విధంగా అమలు చేయాలని మా నాయకుడు ఆలోచిస్తున్నాడని, కేసీఆర్ లక్ష రూపాయలకు వంద కొర్రీలు పెడుతున్నాడని అన్నాడు. ఎన్నికల ముందు అడ్డగోలు హామీలు ఇచ్చి రైతుల్లో ఆశ పుట్టించిన వీరు ఇప్పుడు పోటా పోటీగా రుణాలు మాఫీ చేసే ప్రయత్నం చేస్తున్నారు కానీ, వీరు మాఫి చేస్తున్న ఇన్నివేళ కోట్లు ఏ విధంగా పూడ్చుకుంటారనేది ఆసక్తికరమైన అంశం. గతంలో కిరణ్ సర్కార్ చేసినట్లు వీరు కూడా ఆ పన్నులు, ఈ పన్నులు అని ఇచ్చిన రుణమాఫీ కంటే ఎక్కువ దోచేయరు కదా ???

Knr