సుజనా చౌదరికి కేంద్ర మంత్రి పదవి!

Posted: 06/04/2014 06:14 AM IST

Central minister post for tdp s sujana chowdary

'బాబు బ్యాక్... డెవలప్మెంట్ ఆన్ ట్రాక్' ఇదీ తాజా టీడీపీ స్లోగన్. TDP అధ్యక్షులు నారా చంద్రబాబు నాయుడు ఆంధ్రప్రదేశ్ను నిర్మించే విషయమై వ్యూహాత్మకంగా అడుగులు వేస్తున్నారు. ఆంధ్రప్రదేశ్ నిర్మాణంపై ప్రధానంగా దృష్టి సారించిన చంద్రబాబు... కేంద్ర ప్రభుత్వం సహకారం అవసరమని భావిస్తున్నారు. ఈ నేపథ్యంలో ఆయన బిజెపికి ఆఫర్ ఇచ్చారు. ఆంధ్రప్రదేశ్లో తమ పార్టీకి వచ్చే రాజ్యసభ స్థానాన్ని బిజెపికి ఇచ్చేందుకు సిద్ధమని ఆఫర్ చేస్తున్నారు. కేంద్ర ప్రభుత్వంలో త్వరలో విస్తరణ జరగనుందని, అందులో మరో రెండు మూడు పదవులు వస్తాయని చంద్రబాబు భావిస్తున్నారు.

సుజనా చౌదరి ప్రముఖ పారిశ్రామికవేత్త. 2009 ఎన్నికల సమయం నుంచి తెలుగుదేశం పార్టీలో క్రియాశీలకంగా ఉంటున్నారు.ప్రత్యేకించి టిడిపికి ఆర్ధికంగా వెన్నుదన్నుగా ఉన్నారన్న అబిప్రాయం ఉంది. కేంద్రంలో ఎన్.డి.ఎ. ప్రబుత్వంలో తెలుగుదేశం వాటా కింద మంత్రి పదవి వస్తే దానిని రాజ్యసభ సభ్యుడు సుజనా చౌదరికి ఇస్తామని టిడిపి అదినేత చంద్రబాబు చెప్పినట్లు సమాచారం.పార్లమెంటరీ పార్టీ సమావేశంలో ఈ విషయాన్ని ఆయన వెల్లడించారు.

సుజనా చౌదరికి రాజ్యసభ పదవి ఇవ్వబోతున్నప్పుడు కొందరు ఎమ్మెల్యేలు అభ్యంతరం చెప్పగా,ఎన్నికల సమయంలో వారికి ఆర్దిక సాయం ఎక్కడ నుంచి వచ్చిందని , అది సుజనా చౌదరి ద్వారానే సాధ్యమైందని నాయకత్వం చెప్పడం వారు మిన్నకుండిపోయారు. ప్రత్యేకించి ఇతర పార్టీల నేతలను ఆకర్షించడం, ఆర్దిక వనరుల ఏర్పాటు, పోల్ మేనేజ్ మెంట్ వంటి వాటిలో చౌదరి గట్టిగా పనిచేశారని చెబుతారు.దాని ఫలితంగానే ఆయనకు ఇప్పుడు కేంద్రంలోమంత్రి పదవి కూడా వచ్చే అవకాశం ఏర్పడిందని బావిస్తున్నారు