మోదీకి పార్టీ నుంచి మొదటి నిరసన

Posted: 05/26/2014 05:35 PM IST

రాజస్తాన్ నుంచి 25 ఎంపీలను ఇచ్చినా ఆ రాష్ట్రం ఎంపీలకు సముచిత హోదానివ్వలేనని వసుంధరా రాజే నిరసన తెలియజేసారు.  బికానెర్ హౌస్ లో అలిగి కూర్చున్న ఆమె, ఆమెతో వచ్చిన 25 ఎంపీలతో భాజపా సంప్రదింపులు చేస్తున్నారు.  

తక్కువ సంఖ్యతో ఎక్కువ సమర్థవంతమైన ప్రభుత్వాన్ని ఏర్పాటు చెయ్యాలన్న ఉద్దేశ్యంతో తక్కువ మందికి అవకాశం ఇచ్చామని చెప్పినా ఆమె తన పట్టు వీడలేదు.  ఇంతవరకు భాజపాలో మోదీ నిర్ణయానికి సీనియర్ నాయకులు కూడ ఎవరూ నిరసన చూపించలేదు.  మొదటి సారిగా అది కూడా ప్రమాణ స్వీకారానికి ముందుగానే నిరసన చూపించారు వసుంధర రాజే.

ఈ సమస్యను మోదీ పరిష్కరించినట్లుగానే కనపడుతోంది.  రాజస్థాన్ ఎంపీలలో ఒకరికి చోటిచ్చి, మంత్రవర్గ విస్తరణ లో మిగతావారికి కూడా అవకాశం ఉంటుందని మోదీ తెలియజేసారు.