ఆగ్రా ఉర్సులో మోదీ కోసం భక్తుల ప్రార్థనలు!

Posted: 05/26/2014 03:32 PM IST

నరేంద్ర మోదీ ప్రధానమంత్రిగా ప్రమాణ స్వీకారం చేస్తున్న తరుణంలో ఆగ్రాలో ఆదివారం ప్రారంభమై మూడు రోజుల పాటు జరుగుతున్న షాజహాన్ ఉర్సులో భక్తులు మోదీ కోసం, దేశ శాంతి సౌభాగ్యాల కోసం ప్రార్థనలు చేసారు.  మోదీ పాలనలో అన్ని ప్రాంతాలు సుభిక్షంగా ఉండాలని వారు చేసిన ప్రార్థన మన దేశంలోని మతసామరస్యానికి అద్దం పడుతోంది.

మనం స్నేహపూర్వకంగా ఒక అడుగు ముందుకేస్తే ఎదుటివారు రెండు అడుగులు వేస్తారన్న విషయాన్ని రూఢి చేస్తూ, మోదీ ప్రమాణ స్వీకారం రోజున హాజరవటానికి ఎస్ఏఏఆర్ సి దేశాల నాయకులను మోదీ ఆహ్వానించగా పాకిస్తాన్, శ్రీలంక దేశాలు తమ దేశంలో బందీలుగా ఉన్న మత్స్యకారులను విడుదల చేసారు.  ఈ ఆహ్వానంతో మోదీ ఫారిన్ పాలసీ ఎలా ఉంటుందన్న దానిలో స్పష్టమైన సంకేతం వెలివడింది.  

-శ్రీజ