ఫ్యాన్స్ ఎఫెక్ట్... మోడీకి రజినీ దూరం

Posted: 05/26/2014 11:50 AM IST

దేశ రాజకీయాల్లో నేటి నుండి కొత్త శకం ప్రారంభం కాబోతుంది. ఇటీవల జరిగిన సాధారణ ఎన్నికల్లో భాజాపా ఘన విజయం సాధించడం, మోడీ భారత ప్రధానిగా ప్రమాణ స్వీకారానికి అంతా సిద్దం అయిన విషయం తెలిసిందే. మరికొద్ది సేపట్లో రాష్ట్రపతి భవన్ లో మోదీ భారత ప్రధాని కాబోతున్నాడు. ఈ ప్రమాణ స్వీకారినికి సార్క్ దేశాల అధినేతలతో పాటు చాలా మంది ప్రముఖులు హాజరు కాబోతున్నాడు.

పారిశ్రామిక, రాజకీయ రంగాల వారే కాకుండా, సినీ రంగానికి చెందిన పలువురు ప్రముఖులు కూడా హారవుతున్నారు. ఈ ఆహ్వానం అందుకున్న వారిలో సూపర్ స్టార్ రజినీ కూడా ఉన్నారు. కానీ రజనీకాంత్ హాజరుకావడం లేదని ఆయన సన్నిహితులు వెల్లడించారు.

చెన్నైనగరంలో లేకపోవడం కారణంగానే మోడీ ప్రమాణ స్వీకారానికి హాజరుకావడం లేదని సన్నిహితులు వెల్లడించారు. కానీ గత రాత్రి తమిళ విద్యార్ధులు పెద్ద ఎత్తున రజనీకాంత్ ఇంటి ముందు ధర్నా నిర్వహించారు. దాంతో మోడీ ప్రమాణ స్వీకార కార్యక్రమానికి రజనీ హాజరుకాకూడదనే నిర్ణయానికి వచ్చినట్టు తెలుస్తోంది.