జూపల్లి రిపోలింగ్ తో కల్వకుర్తికి విమోచనం

Posted: 05/19/2014 09:57 AM IST

కల్వకుర్తి నియోజకవర్గంలోని జూపల్లి లో ఇవిఎమ్ పనిచెయ్యకపోవటంతో అక్కడి ఎన్నికల ఫలితాలు తెలియలేదు.  పనిచెయ్యని 119 వ నంబర్ బూత్ లోని ఇవిఎమ్ లోని ఫలితాలను పక్కకు పెడితే, అగ్రస్థానంలో ఉన్న కాంగ్రెస్ అభ్యర్థి కేవలం 157 వోట్ల ఆధిక్యంలో ఉండటంతో జూపల్లిలోని ఫలితాలు అనివార్యమయ్యాయి.  

దీని కారణంగా కల్వకుర్తిలో ఫలితాలను ఎన్నికల అధికారులు నిలిపివేసారు.  

ఆ ఇవిఎమ్ ని స్ట్రాంగ్ రూంలో భద్రపరచి పరిస్థితిని ఢిల్లీలోని ప్రధాన ఎన్నికల అధికారికి తెలియజేసి వారి నిర్ణయాలను కోరారు.  మరమ్మతులు చేసి పనిచేయించటానికి వెళ్ళిన సాంకేతిక నిపుణుల మాట కూడా ఆ ఇవిఎమ్ వినకపోవటంతో, తప్పనిసరై జూపల్లిలో రిపోలింగ్ జరిపిస్తున్నారు.