మే 13 నుంచి డబల్ డెకర్ రైలు

Posted: 05/08/2014 05:27 PM IST

First double decker train of sc rly starts on may 13

కాచిగుడా-గుంటూరు-కాచిగుడా డబల్ డెకర్ ఎసి రైలు సర్వీస్ ఈ నెల 13 నుంచి ప్రారంభం కానుంది. ఇది దక్షిణ మధ్య రైల్వేలో తొలి డబల్ డెకర్ రైలు. ఈ రైలు వారానికి రెండు సార్లు కాచిగుడా-గుంటూరు, కాచిగుడా-తిరుపతికి ప్రయాణించే సూపర్ ఫాస్ట్ సర్వీస్.

మే 13 న ప్రారంభమౌతున్న కాచిగుడా-గుంటూరు సర్వీస్ ఉదయం మంగళవారం శుక్రవారాలలో 5.30 కి కాచిగుడా నుంచి బయలుదేరి గుంటూరుకి 10.40 కి చేరుతుంది. ఈ రైలు మళ్ళీ గుంటూరులో 12.45 కి బయలుదేరి కాచిగుడా స్టేషన్ కి 17.55 కి చేరుకుంటుంది.

మే 14 న బయలుదేరే కాచిగుడా-తిరుపతి సర్వీస్ బుధవారం, శనివారాలలో ఉదయం 6.45 కి బయలుదేరి తిరుపతికి 18.15 కి చేరుకుంటుంది. తిరుగు ప్రయాణంలో ప్రతి గురువారం, ఆదివారం తిరుపతిలో ఉదయం 5.45 కి బయలుదేరి కాచిగుడా 17.15 కి చేరుకుంటుంది.

-శ్రీజ