రాష్ట్ర వ్యాప్తంగా పవన్ పాదయాత్ర

Posted: 05/08/2014 01:59 AM IST

Pawan kalyan plans walking tour of all andhra

సీమాంధ్రలో పోలింగ్ ముగిసింది. సాయంత్రం 6 గంటలకు పోలింగ్ ప్రక్రియకు తెరపడింది. కడుపు మండి, గుండె మండి తాను రాజకీయాల్లోకి వచ్చానని చెప్పిన పవన్ మరో సంచలనానికి తెర లేపనున్నట్లు విశ్వసనీయ సమాచారం.

భాజాపా-తెదేపా కూటమికి మద్ధతు ఇవ్వడమే కాదు.. ఎన్నికల అనంతరం ఆ కూటమి హామిలను నెరవేర్చే బాధ్యతను తన భుజస్కందాలపై వేసుకోనున్నాడు పవన్. ఇప్పడి వరకు ఓట్ల కోసం, సీట్లకోసం పాదయాత్రలు చేసే నాయకులను చూశాం. పవన్ మాత్రం ప్రజలకు ఇచ్చిన హామిలను నెరవేర్చేందుకు పాదయాత్రను చేపట్టబోతున్నాడు. తాజా నిర్ణయంతో.. నిజ జీవితంలోనూ పవన్ పవర్ స్టార్ అనిపించుకొన్నాడు.

స్టేట్ పొలిటికల్ చరిత్ర లోనే పవన్ కళ్యాణ్ ఒక సంచలనమై కూర్చున్నాడు. పవన్ ప్రచారంతో… ప్రత్యర్థుల వెన్నులో వణుకు పుట్టించాడు. ప్రత్యర్థుల విజయావకాశాలు ఘోరంగా దెబ్బతీశాడు.

జనసేన పార్టీ జాతీయ కార్యవర్గం, తదితర కమిటీలను పవన్ ప్రకటించనున్నట్లు తెలుస్తోంది. 2019 ఎన్నికలో బరిలో దిగుతానని పవన్ ఇప్పటికే ప్రకటించిన విషయం తెలిసిందే. అయితే, ఇప్పటి నుంచే పవన్ పార్టీని బలోపేతం చేసే దిశగా ప్రణాళికలు రూపొందించనున్నారని అతని సన్నిహిత వర్గాలు పేర్కొంటున్నాయి.