సీమాంధ్ర నుంచి పిల్ల కాంగ్రెస్‌ను తరిమేయండి-PAWAN

Posted: 05/03/2014 01:18 AM IST

ఎన్నికల ప్రచారంలో భాగంగా శుక్రవారం కాకినాడలో జరిగిన బహిరంగ సభలో జనసేన అధినేత పవన్ కల్యాణ్, సీమాంధ్రలో తల్లి కాంగ్రెస్ ఎలాగూ పోయింది, ఇక పిల్ల కాంగ్రెస్‌ను (వైసీపీ) తరిమేయాలని సీమాంధ్ర ప్రజలకు పిలుపునిచ్చారు.

ఓదార్పు పేరుతో వైసీపీ అధ్యక్షుడు జగన్ వల్లమాలిన ప్రేమ కురిసిస్తున్నారని జనసేన అధినేత పవన్ కల్యాణ్ వ్యాఖ్యానించారు. అభిమానుల ప్రేమ ముందు ముఖ్యమంత్రి పదవి గొప్పది కాదని అన్నారు.

ఓట్లు ఎంత గట్టిగా అడుగుతున్నానో... అలాగే ప్రజా సమస్యలపై కూడా మీకోసం ఉద్యమించడానికి సిద్ధంగా ఉన్నానని పవన్ కల్యాణ్ స్పష్టం చేశారు. జనసేన అంటే చేతిలో ఆయుధాలు ఉండవని, అక్రమాక్కులను తొక్కుకుంటూ వెళ్తుందని ఆయన పేర్కొన్నారు.

ఎస్సార్ కాంగ్రెస్ పార్టీ నేతలు డబ్బు పంచితే ఈసీకి పిర్యాదు చేయాలని సూచించారు. వైసీపీ ఇచ్చే డబ్బు తీసుకుని టీడీపీ-బీజేపీ కూటమికి ఓటు వేయాలని పవన్ పేర్కొన్నారు. కడప, పులివెందుల తరహా దౌర్జన్యాలను ఆపాలని ద్వారంపూడి చంద్రశేఖర్‌రెడ్డికి పవన్ కల్యాణ్ హెచ్చరించారు. ప్రజా హక్కులను కాలరాస్తే ఆవేశం ఉప్పొంగుతుందని, అవినీతి పరులకు కోనసీమ పౌరుషాన్ని రుచి చూపెట్టాలని ఆయన అన్నారు.

సీమాంధ్ర ప్రజల ఆత్మగౌరవాన్ని కాపాడలేని జగన్ సీఎం కావాలని ఎలా కోరుకుంటున్నావని పవన్ కల్యాణ్ సూటిగా ప్రశ్నించారు.