జగన్ స్వార్థం:తల్లినే ఎన్నికల ప్రచారం కోసం ఎండలో తిప్పుతున్నారు

Posted: 05/01/2014 11:47 PM IST

గురువారం రాత్రి విశాఖలో జరిగిన ఎన్డీయే భారత్ ర్యాలీలో పాల్గొన్నజనసేన పార్టీ అధ్యక్షుడు పవన్కల్యాణ్, విశ్రాంతి తీసుకోవాలసిన సమయంలో తన స్వార్థం కోసం వైఎస్సార్ కాంగ్రెస్ పార్టీ అధ్యక్షుడు జగన్మోహన్‌రెడ్డి తన తల్లి విజయమ్మను ఎన్నికల ప్రచారం కోసం ఎండలో తిప్పుతున్నారని ఆరోపించారు.

నిజమైన కొడుకు ఎవరైనాసరే వయసు వచ్చిన తల్లిని గుండెలో పెట్టుకుని ఇంట్లో చూసుకుంటారా? లేక ఎండల్లో తిప్పుతూ తల్లిని కష్టపెడతారా? అని ప్రశ్నించారు. కన్న తల్లినే స్వార్ధానికి ఉపయోగంచుకుంటున్న జగన్ రేపు సీమాంధ్రకు ఏం చేస్తారని పవన్ ప్రశ్నించారు. దీనిన ప్రజలు ఆలోచించాలని ఆయన కోరారు.

ఒక వైపు కేసీఆర్ కుటుంబం తెలంగాణ ప్రజలను మోసం చేసిందని, ఇంకొకవైపు వైసీపీ అధ్యక్షుడు జగన్ సీమాంధ్ర ప్రజలను మభ్య పెడుతున్నారని, రాష్ట్రం నిట్టనిలువునా చీలిపోయిందంటే దానికి కారణం జగన్ సీఎం కావాలనే స్వార్థపూరితమైన కోరికే అని పవన్ విమర్శించారు. ఇలాంటి స్వార్థపరులకు ఓటు వేస్తే... గుడిని... గుడిలో లింగాన్ని మింగేస్తారని ఆయన అన్నారు. వైఎస్ జగన్ కుటుంబం మొత్తం రాజకీయల పదవుల కోసం సీమాంద్ర తిరుగుతుంది, సీమాంద్ర ప్రజల కోసం కాదని పవన్ అన్నారు.వైసీపీ అధికారంలోరాదని పవన్ జోష్యం చెప్పారు