మోడీ, పవన్‌కళ్యాణ్ ఎఫెక్ట్: కెసిఆర్‌లో వణుకు?

Posted: 04/24/2014 10:39 PM IST

తెలంగాణ రాష్ట్ర సమితి అధ్యక్షులు కల్వకుంట్ల చంద్రశేఖర రావుకు గుజరాత్ ముఖ్యమంత్రి, భారతీయ జనతా పార్టీ నరేంద్ర మోడీ భయం పట్టుకుందా?

బిజెపి సభలకు అనూహ్య స్పందన రావడం, దానికి పవన్ కళ్యాణ్ మద్దతు లభించడం, టిడిపి-బిజెపి పొత్తు నేపథ్యంలో కెసిఆర్‌లో వణుకు పుట్టిందని బిజెపి ఎద్దేవా చేస్తోంది. మోడీ సభలను చూసి కెసిఆర్ బెదిరిపోయారని ఆ పార్టీ అంటోంది. మోడీ సభలు హిట్ అయిన నేపథ్యంలో... తాజాగా కెసిఆర్ తన వ్యూహం మార్చి మోడీని టార్గెట్ చేశారంటున్నారు. నిజామాబాద్ సభలో రెండు రోజుల క్రితం మోడీ, పవన్ పాల్గొన్నారు. సభ విజయవంతం కావడంతో స్థానిక నేతలు జోరు మీద ఉన్నారు. 

 కెసిఆర్ నిన్నటి వరకు కాంగ్రెసు పార్టీని దనుమాడారు. తెలంగాణ కాంగ్రెసు పార్టీ నేతల పైన నిప్పులు చెరిగారు. కెసిఆర్ హఠాత్తుగా తన టార్గెట్‌ను అనూహ్యంగా మార్చి వేశారని, మోడీ కారణంగానే ఆయన తన ప్రధాన టార్గెట్ మార్చారని అంటున్నారు.మోడీ సభలు హిట్ అయిన నేపథ్యంలో... తాజాగా కెసిఆర్ తన వ్యూహం మార్చి మోడీని టార్గెట్ చేశారంటున్నారు. 

KCR ఆత్మరక్షణలో పడ్డారా?