శోభానాగి రెడ్డి పరిస్థితి విషమం

Posted: 04/24/2014 09:07 AM IST

వైయస్సార్ కాంగ్రెస్ పార్టీ నాయకురాలు,  ఆళ్లగడ్డ నియోజక అసెంబ్లీ అభ్యర్థి శోభా నాగిరెడ్డి రాత్రి ఘోర రోడ్డు ప్రమాదానికి గురయ్యారు. ఈ ప్రమాదంలో ఆమెకు తీవ్ర గాయాలు అయ్యాయి. నిన్న నంద్యాలలో షర్మిళ నిర్వహించిన రోడ్డు షోలో పాల్గొని తిరిగి వస్తుండగా ఆళ్ళగడ్డ సమీపంలోని గూడగుండంమొట్ట వద్ద కారు ధాన్యం కుప్పల పైకి దూసుకెళ్లడంతో బోల్తా పడింది. దీంతో కారు ముందు భఆగంలో కూర్చున్న శోభా నాగిరెడ్డి తలకు తీవ్ర గాయాలు అవ్వడమే కాకుండా, ప్రక్కటెముకలు కూడా విరిగాయి. స్థానికులు వెంటనే ఆమెకు నంద్యాల ప్రైవేటు ఆసుపత్రిలో ప్రథమ చికిత్స చేయించి, అక్కడి నుండి హైదరాబాద్ లోని కేర్ ఆసుపత్రికి తరలించారు. ప్రస్తుతం ఆమె అపస్మారక స్థితిలో ఉన్నట్లు, శ్వాస తీసుకోవడానికి తీవ్ర ఇబ్బంది పడుతున్నట్లు వైద్యులు చెబుతున్నారు. మరి కొద్ది రోజుల్లో ఎన్నికలు జరగనున్న వేళ ఈ ప్రమాదం జరగడంతో వైసీపీ నేతలు ఆందోళన చెందుతున్నారు.