‘కేసీఆర్ ఫేక్ ప్రామిసెస్’

Posted: 03/13/2015 06:51 PM IST

రాజకీయాలు అన్నాక అధికార పార్టీపై ప్రత్యర్థి పార్టీ సభ్యులు, అలాగే వాళ్లు వీళ్లపై విమర్శలు చేయడం సర్వసాధారణమే! ఈ క్రమంలోనే సార్వత్రిక ఎన్నికల్లో అడ్రస్ లేకుండా పోయిన కాంగ్రెస్ పార్టీ సభ్యులు తమ పార్టీని బలోపేతం చేసే దిశగా తెలంగాణ రాష్ట్ర ముఖ్యమంత్రి కేసీఆర్ మీద నిత్యం విమర్శలు చేయడానికి పనిగా పెట్టుకున్నట్లున్నారు. తమ అధ్యక్షురాలు సోనియా వల్లే తెలంగాణ వచ్చిందని, ఆమె వల్లే కేసీఆర్ సీఎం అయ్యారంటూ ఆ పార్టీ సభ్యులు ఆరోపణలు చేస్తుంటారు. కేసీఆర్ సీఎం అయి చాలారోజులు కావచ్చినప్పటికీ.. ఇంతవరకు తెలంగాణ రాష్ట్రాభివృద్ధికి ఆయన ఏమీ చేయలేదంటూ విరుచుకుపడుతుంటారు. ఇప్పుడు ఇదే తరహాలో తాజాగా టీకాంగ్రెస్ ఎమ్మెల్సీ షబ్బీర్ అలీ కేసీఆర్ పై విరుచుకుపడ్డారు.

* తమ అధ్యక్షురాలు సోనియా గాంధీ తెలంగాణ ఇవ్వడం వల్లే కేసీఆర్ ముఖ్యమంత్రి కాగలిగారని ఆయన అన్నారు.
* టీఆర్ఎస్ ఇచ్చిన హామీలపై కేసీఆర్ కు ఫర్మానా పంపితే తమకు వద్దని వెనక్కు పంపారని ఎద్దేవా చేశారు.
* తప్పుడు హామీలతో ప్రతిరోజు ప్రజలను మోసం చేస్తున్న కేసీఆర్ పై జనాలే స్పందించే రోజు వస్తుందని చెప్పారు.
* కేసీఆర్ తప్పుడు హామీలు ప్రజలకు తెలియాలనే ఉద్దేశంతో ‘కేసీఆర్ ఫేక్ ప్రామిసెస్’ పేరుతో ట్విటర్, ఫేస్ బుక్ అకౌంట్లు తెరిచామని వెల్లడించారు.