ఆడలేక మద్దెల ఓడు అన్నట్లుంది : బొత్స

Posted: 03/12/2015 07:56 PM IST

ఏపీ అసెంబ్లీలో బుధవారం ఆర్థికమంత్రి యనమల రామకృష్ణుడు ఆంధ్రప్రదేశ్ రాష్ట్ర బడ్జెట్టును ప్రవేశపెట్టిన విషయం తెలిసిందే! అయితే.. ఏపీ సర్కార్ ప్రవేశపెట్టిన ఈ బడ్జెట్ అంతగా సంతృప్తికరంగా లేదని ప్రత్యర్థిపార్టీ సభ్యులు మండిపడుతున్నారు. ఈ నేపథ్యంలోనే ఏపీ కాంగ్రెస్ సీనియర్ నేత బొత్స సత్యనారాయణ తీవ్ర వ్యాఖ్యలు గుప్పించారు. ప్రభుత్వం ప్రవేశపెట్టిన ఈ బడ్జెట్టును చూస్తుంటే.. ఆడలేక మద్దెల ఓడు అన్నట్లుందని ఆయన ఎద్దేవా చేశారు. ఈ క్రమంలోనే ఆయన తీవ్ర ఆగ్రహం వ్యక్తం చేశారు.

* ఏపీ బడ్జెట్ వల్ల రాష్ట్రానికి ఏ విధమైన మంచి జరగదని ఆయన అన్నారు.
* జీరో బేస్డ్ బడ్జెట్ వల్ల ఎప్పుడైనా మిగులు రెవెన్యూ వచ్చిందా..? అని ప్రశ్నించారు.
* కేంద్రంలో భాగస్వాములుగా వుండి కూడా ఎందుకు హామీలు సాధించుకోలేకపోతోందని టీడీపీ సర్కార్ ని సూటిగా ప్రశ్నించారు.
* బీజేపీని అడగడం టీడీపీ ప్రభుత్వానికి చేతకావడం లేదా..? అని ఆయన నిలదీశారు.
* కేంద్రం నుంచి సాయం రావడంలేదన్న యనమల రామకృష్ణుడి మాటలకు బీజేపీ ఏం సమాధానం చెబుతుందని అడిగారు.