హైదరాబాద్ ఇమేజ్ దెబ్బ తీస్తున్నారు.!

Posted: 02/05/2015 05:47 PM IST

తెలంగాణ సీఎం ముఖ్యమంత్రి ఇటీవలకాలంలో అభివృద్ధి కార్యక్రమాలను మరింత వేగవంతం చేస్తున్నారు. ఈ నేపథ్యంలోనే ఆయన ముందుగా హైదరాబాద్ నగరాన్ని గ్లోబల్ సిటీగా తీర్చిదిద్దేందుకు అన్ని ఏర్పాట్లు సిద్ధం చేస్తున్నారు. ఇందులో భాగంగానే ‘విజన్ హైదరాబాద్’ పేరు ఒక ప్రాతిపదికను ప్రవేశపెట్టిన ఆయన.. ప్రజల అభిప్రాయాలను సేకరించి, వారు ఇచ్చిన సమాచారం మేరకు అభివృద్ధి పనులు చేపడుతున్నారు.

ఇదిలావుండగా.. ప్రస్తుతం వున్న హైదరాబాద్ పరిస్థితి చాలా దారుణంగా వుందని, గత ప్రభుత్వాలు ఈ నగరాన్ని అభివృద్ధి చేయడంలో పూర్తిగా విఫలమయ్యాయని కేసీఆర్ ఆరోపణలు చేస్తున్న విషయం తెలిసిందే! ఇటీవలే ఆయన మరింతగా నిప్పులు చెరిగారు. హైదరాబాద్ పిచ్చోళ్ల సిటీ అని, ఈ నగరంలో ప్రజలకు అనుగుణంగా ఎటువంటి సౌకర్యాలు లేవని, ఇదొక చెత్త సిటీ అని వ్యాఖ్యానించారు.అంటే.. ఇప్పుడున్న హైదరాబాద్’ను మరింతగా డెవలప్ చేస్తామన్న ఉద్దేశంతో ఆయనలా చేశారు.

అయితే.. కేసీఆర్ ఈ విధంగా వ్యాఖ్యలు చేయడంపై ప్రత్యర్థి పార్టీ నేతలు ఆగ్రహం వ్యక్తం చేస్తున్నారు. ఎంత డెవలప్ అయిన హైదరాబాద్’ను చెత్త నగరమంటూ కేసీఆర్ ఆ సిటీ ఇమేజ్’ని డ్యామేజ్ చేస్తున్నారని మండిపడుతున్నారు. ఈ నేపథ్యంలోనే టీపీసీసీ పొన్నాల లక్ష్మీనారాయణ కూడా ఆయన వ్యాఖ్యలపై ధ్వజమెత్తారు. ఇందులో భాగంగానే ఆయన మాట్లాడుతూ..

* హైదరాబాదులో అభివృద్ధి లేదంటూ చెత్త, పిచ్చి అని చెబుతూ.. నగరం బ్రాండ్ ఇమేజ్’ని కేసీఆర్ దెబ్బతీస్తున్నారని ఆగ్రహం వ్యక్తం చేశారు.
* ఎంతో డెవలప్ అయిన హైదరాబాద్ సిటీని చెత్తనగరం అనడం ఏమిటని ప్రశ్నించారు.
* ఇదివరకే హైదరాబాద్’కు బెస్ట్ సిటీ అవార్డు వచ్చిందని, ఆ అవార్డును ఆయన కుమారుడు కేటీఆర్ అందుకున్న విషయాన్ని కేసీఆర్ మర్చిపోయారా? అంటూ ప్రశ్నించారు.
* వాస్తు పేరుతో సచివాలయాన్ని ఎర్రగడ్డకు మారుస్తానంటున్న కేసీఆర్.. ప్రజాధనాన్ని దుర్వినియోగం చేసే పనులు చేపడుతున్నారని ఆరోపించారు.
* కేసీఆర్ వ్యవహారశైలి చూస్తుంటే.. సంస్కృతీ, సంప్రదాయాలను కాలరాస్తున్నట్లుగా కనిపిస్తోందని ఆయన మండిపడ్డారు.