బాబు.. ఓ దుబారా ‘బాబు’!

Posted: 02/03/2015 05:38 PM IST

ఆంధ్రప్రదేశ్ రాష్ట్రప్రభుత్వం అధికారాన్ని టీడీపీ పార్టీ చేజిక్కించుకుని చాలాకాలమైనప్పటికీ.. ఇంకా అభివృద్ధి కార్యక్రమాలు, సంక్షేమ పథకాలు అమలు చేయకపోవడంపై ప్రత్యర్థి పార్టీ ప్రతిసారీ నిప్పులు చెరుగుతున్న విషయం తెలిసిందే! మాయమాటలు చెబుతూ ప్రజలను లోబరుచుకోవడం తప్ప బాబు చేసింది ఏమీలేదంటూ జగన్ ప్రచారాలు చేస్తున్న విషయం తెలిసిందే! ఇక ఆయనతోపాటు ఆయన పార్టీ వర్గాలు సైతం టీడీపీ పార్టీ మీద నిత్యం విమర్శలు గుప్పించడమే పనిగా పెట్టుకున్నారు. తాజాగా వైసీపీ నేత అంబటి రాంబాబు మరోసారి ఏపీ సీఎం బాబుపై తనదైన శైలిలో విరుచుకుపడ్డారు. ‘చంద్రబాబు.. ఓ దుబారా బాబు!’ అంటూ వ్యంగ్యంగా పేర్కొన్నారు.

* విదేశీ పర్యటనల పేరిట చంద్రబాబు దుబారా చేస్తున్నారని రాంబాబు అన్నారు.
* సింగపూర్, జపాన్ పర్యటనల కోసం రూ.2.20 కోట్ల నిధులను విడుదల చేయించుకున్నారు.
* చంద్రన్న కానుక పేరిట పండుగపూట ప్రజలను నాణ్యతలేని సరుకులు పంపిణీ చేశారు.
* ఎన్నికల్లో చందాలిచ్చిన వారికి మాత్రమే మేలు చేసేందుకు పథకాలు ప్రవేశపెడుతున్నారు.
* సామాన్య ప్రజలకోసం ప్రవేశపెట్టిన సంక్షేమ పథకాలు, రుణమాఫీలు ఇంతవరకు విడుదల చేయలేదు.
* చంద్రబాబు తన మాయమాటలతో ప్రజలను మోసం చేస్తున్నారంటూ ఆయన మండిపడ్డారు.