జిల్లాకో గ్యాంగ్ లీడర్

Posted: 10/18/2014 05:03 PM IST

టీడీపీ వైఖరిపై వైసీపీ అధికార ప్రతినిధి వాసిరెడ్డి పద్మ నిప్పులు చెరిగారు. ఏపీలో అధికారం ముసుగులో టీడీపీ నేతలు రెచ్చిపోయి ప్రవర్తిస్తున్నారని మండిపడ్డారు. వైసీపీ కార్యకర్తలపై దాడులు చేయిస్తూ భయాందోళనలు సృష్టిస్తున్నారని విమర్శించారు. దాడులను ప్రోత్సహిస్తు.. జిల్లాకో గ్యాంగ్ లీడర్ ను తయారు చేయాలన్నట్లుగా  టీడీపీ ప్రవర్తిస్తోందని ద్వజమెత్తారు. తాజాగా అనంతపురం ఎమ్మెల్యే ప్రభాకర్ మాటలే ఇందుకు నిదర్శనంగా చెప్పారు. పరిటాల సునీత, పరిటాల శ్రీరామ్ పై ప్రభాకర్ చేసిన వ్యాఖ్యలను ఈ సందర్బంగా ప్రస్తావించారు.

వాసిరెడ్డి పద్మ ఏమన్నారంటే..

* వైసీపీ నేతలు, కార్తకర్తలపై టీడీపీ దాడులు చేస్తోంది.
* ఎన్నికల తర్వాత 16మంది కార్యకర్తలు హత్యకు గురయ్యారు.
* ప్రతి జిల్లాకు గ్యాంగ్ లీడర్ ను చేయాలని లక్ష్యంతో తెలుగుదేశం ఉంది.
* అనంతపురంలో సునీత, శ్రీరామ్ ఆగడాలు రోజురోజుకూ పెరుగుతున్నాయి.
* టీడీపీ నేతల దౌర్జన్యాలతో పార్టీ నేతలు, సామాన్యులు నిత్యం భయపడుతున్నారు.

కార్తిక్