పన్నులు కట్టడం లేదు సారూ!

Posted: 10/11/2014 07:00 PM IST

Telangana cm kcr met arun jaitley to discuss about income tax of government oil companies

విభజన తర్వాత రెండు తెలుగు రాష్ట్రాల్లోనూ ఎన్ని సమస్యలు - లోపాలు వున్నాయో బయటపడిన విషయం తెలిసిందే! ఏపీ పరిస్థితి కాస్త పక్కనపెడితే.. తెలంగాణాలో విద్యుత్ సంక్షోభం తీవ్రంగా పెరిగిపోతోంది. కరెంట్ సమస్యల వల్ల రైతులకు అందాల్సి ఉచిత విద్యుత్ అందకపోవడం వల్ల వ్యవసాయం చేయడానికి వీలు కుదరడం లేదు. ఈ సమస్య వల్ల ఇప్పటికే చాలామంది ఆత్మహత్యలు చేసుకున్నారు. అలాగే రైతు రుణమాఫీలు కూడా పెద్ద భారంగా వున్నాయి. ఇంకా ప్రజల కోసం ప్రత్యేక సంక్షేమ పథకాలు అమలు చేయాల్సి వుంది. మొత్తంగా తెలంగాణ అభివృద్ధి విషయం ఏమోగానీ.. సమస్యలు మాత్రం చాలావరకు వున్నాయి. అందుకే.. కేసీఆర్ ఆచితూచి అడుగులు వేస్తున్నారు. ఈ నేపథ్యంలోనే ఆయన ఈసారి పన్నుల విషయంలో దృష్టి సారించినట్లు తెలుస్తోంది. హైదరాబాద్ లో వున్న ప్రభుత్వం చమురు సంస్థలు పన్నులు కట్టడం లేదని ఆయన ఆగ్రహం వ్యక్తం చేశారు. ప్రస్తుతం ఢిల్లీ పర్యటనలో వున్న కేసీఆర్... అక్కడ కేంద్రమంత్రి అరుణ్ జైట్లీతో భేటీ ఆయ్యారు. ఈ పన్నుల విషయంపై జైట్లీకి ఆయన ఫిర్యాదు చేశారు. ఈ ఫిర్యాదులో భాగంగా ఆయన ఏమన్నారంటే...

* ప్రభుత్వం రంగ చములు సంస్థలు ఇండియన్ ఆయిల్ కార్పొరేషన్, హిందూస్తాన్ పెట్రోలియం కార్పొరేషన్లు హైదరాబాద్ లో పన్నులు కట్టడం లేదని పేర్కొన్న ఆయన... ఆంధ్రప్రదేశ్ లో మాత్రం ఆ సంస్థలు తమ పన్నులను చెల్లిస్తున్నాయని కేంద్రానికి ఫిర్యాదు చేసినట్లు తెలిపారు.
* ఉమ్మడి రాష్ట్రంలో ఆ రెండు కంపెనీలు హైదరాబాద్ లో పన్నులు బాగా చెల్లించేవని.. అయితే విభజన తర్వాత అందుకు విరుద్ధంగా ఆ సంస్థలు ఏపీలో పన్నులు చెల్లిస్తున్నాయని ఆయన వాపోయారు.
* ఆయా సంస్థలు హైదరాబాద్ లో పన్నులు చెల్లించకపోవడం వల్లే ఆదాయం గణనీయంగా తగ్గిపోయిందని ఆయన ఆవేదన వ్యక్తం చేశారు.
* కొత్తగా ఏర్పాటైన తెలంగాణాకు ప్రత్యేక హోదాతోపాటు పన్ను రాయితీలను అందించాలని జైట్లీని కోరినట్లు తెలిపారు.