జగన్ కు దూరమవుతున్న విజయా రెడ్డి

Posted: 11/30/2013 06:05 PM IST

వైఎస్ జగన్ కు దూరమవుతున్న తెలంగాణ విజయా రెడ్డి. అంటే జగన్ కు కుడిభుజం లాంటి విజయ సాయి రెడ్డి కాదులేండి. తెలంగాణ ప్రాంతంలో వైఎస్సార్ కాంగ్రెస్ పార్టీ పరిస్థితి నానాటికీ తీసికట్టుగా తయారవుతోంది. జగన్ సమైక్యవాద పల్లవిని అందుకొన్నప్పుడే తెలంగాణ ప్రాంతంలో పార్టీ పతనావస్థకు చేరుకొంది. అంత వరకూ పార్టీకి అండగా ఉండిన చాలా మంది తెలంగాణ నేతలు రాజీనామా చేసి వెళ్లిపోయారు.

 సమైక్యరాగం పాడితే.. తెలంగాణలో తమ రాజకీయ భవిష్యత్తు ఉండదనే ఆలోచనతో తెలంగాణ తమ దారి తాము చూసుకొన్నారు. అయితే అప్పటికీ హైదరాబాద్ పరిధిలో జగన్ పార్టీ కాస్తంత యాక్టివ్ గా కనిపించింది. జగన్ సమైక్యవాద అనుకూల వైఖరిని తీసుకొన్నప్పటి నగరంలోని సెటిలర్ల ఓట్లపై ఆశలు పెట్టుకొని జగన్ పార్టీలో కొంతమంది తెలంగాణ ప్రాంత నేతలు పనిచేస్తూ వచ్చారు. అయితే క్రమంగా వారిలో కూడా మార్పు వచ్చినట్టుగా ఉంది.

ఇప్పటికే తెలంగాణలో..జగన్ పార్టీకి అండగా ఉన్న.. కొండా దంపతులు కూడా.. హస్తం కిందకి వెళ్లిన విషయం తెలిసిందే. ఇప్పుడు అదే బాటలో మరో తెలంగాణ నాయకురాలు.. పీజేఆర్ కూతురు విజయా రెడ్డి అడుగు కూడా.. మెల్ల మెల్లగా.. కమలం వైపు నడుస్తున్నట్లు సమాచారం. విజయా రెడ్డి జగన్ పార్టీ లో యాక్టివ్ గా కనపడకపోవడం. జగన్ రాజకీయ పార్టీని స్థాపించిన కొత్త ఆమె అతడి వైపు వచ్చి చేరింది.

 పీజేఆర్ కు వైఎస్సార్ తో విభేదాలు ఉన్నా ఆమె జగన్ తో చేతులు కలపడం అప్పట్లో ఆసక్తిని కలిగించింది. అయితే ప్రస్తుతం వైకాపాలో ఆమె ఉనికి లేదు. చాలా రోజులుగా పార్టీ కార్యక్రమాల్లో ఆమె పాలు పంచుకోవడం లేదు. దీంతో ఆమె వేరే మార్గమేదైనా చూసుకుందా? అనే అనుమానాలు మొదలవుతున్నాయి. కాంగ్రెస్ లో ప్రస్తుత పరిస్థితుల్లో ఆమెకు అవకాశం దక్కదు కాబట్టి.. బీజేపీ దిశగాప్రయత్నాలు ఏమైనా చేస్తోందా? అనే అనుమానాలు వస్తున్నాయి!