సచిన్ కోసం ప్రయోగం చేసిన బాలీవుడ్ హీరో

Posted: 11/14/2013 06:17 PM IST

సచిన్ కోసం బాలీవుడ్ హీరో భారీ ప్రయోగం చేయటం జరిగింది. సచిన్ ఆఖరి ఆట కాబట్టి , అందరు సచిన్ మ్యాచ్ పైనే ద్రుష్టి పెట్టారు. ఇక బాలీవుడ్ హీరోలైతే ఉదయం నుంచి స్టేడియంలో తెగ సందడి చేస్తున్నారు. అభిమానులతో వాంఖెడే స్టేడియం మొత్తం నిండిపోయింది. దీనిని సచిన్ మానియా అనేది అభిమానుల్లో ఎలా ఉందో అర్థమవుతుంది.

 

అయితే బాలీవుడ్ హీరో మరో అడుగు ముందుకేసి సచిన కోసం భారీ ప్రయోగం చేసి సంచలనం స్రుష్టించారు. సచిన్ ఆటను చూడటానికి వచ్చిన బాలీవుడ్ తారల్లో అమీర్ ఖాన్ కూడా ఉన్నారు. మ్యాచ్ చూడటానికి వచ్చిన అమీర్ ఖాన్ కామెంటేటర్ గా మారడం క్రికెట్ అభిమానులను ఆకర్షించింది. క్రికెట్ కామెంటేటర్లు రవిశాస్త్రి, హర్షా భోంగ్లేతో కలిసి అమీర్ ఖాన్ కామెంటేటర్ అవతారం ఎత్తారు.

 

కామెంటరీ బాక్సులో సచిన్ తో ఉన్న అనుభందాన్ని, గడిపిన క్షణాలను అమీర్ ఖాన్ నెమరు వేసుకున్నారు. దూమ్ 3 చిత్రంలోని దూమ్ మచాలే పాటను క్రికెట్ దేవుడికి అంకితమిచ్చిన సంగతి తెలిసిందే. వాస్తవానికి దూమ్3 చిత్ర ప్రమోషన్ ఈవెంట్ ఈ సాయంత్రం 4.30 గంటలకు ఉండగా, ఈ సాయంత్రం 6 గంటలకు వాయిదా వేశారు.

 

వెస్టిండీస్ ఆలౌట్ అయిందనే సమాచారం అందుకున్న అమీర్ ఖాన్ స్టూడియోలో అన్ని పనులు వదులకొని తాను అదృష్టంగా భావించే నీలం రంగు టీషర్ట్ వేసుకుని స్టేడియంలో అడుగుపెట్టారు. ఒక్క బాలీవుడ్ హీరో అమీర్ ఖాన్ లోనే సచిన్ పై ఇంత అభిమానం ఉంటే.. ఇక క్రికెట్ అభిమానుల్లో గుండెల్లో సచిన్ స్థాయి ఏమిటో ఇట్టే అర్థమవుతుంది. ఏమైన సచిన్ ఈజ్ గ్రేట్.

 

ఇప్పటి వరకు ఎలాంటి మరకలు లేకుండా, క్రికెట్ నుండి రిటైర్డ్ మెంట్ తీసుకుంటున్నారు. రాబోయే క్రికెట్ వీరులకు, అభిమానులకు సచిన్ ఒక ఆదర్శంగా నిలిచారు. సచిన్ ను అందరు ఆదర్శంగా తీసుకుంటే.. ఎంత హాయిగా ఉంటుందో అని క్రికెట్ అభిమానులు అంటున్నారు.