సచిన్ చివరి మ్యాచ్-కోల్పోయిన షారూఖ్

Posted: 11/12/2013 06:44 PM IST

సచిన్ టెండుల్కర్ చివరి మ్యాచ్ కోసం కోట్లాది అభిమానులు ఆశగా ఎదురు చూస్తున్నారు. ప్రత్యేక్షంగా సచిన్ చివరి మ్యాచ్ ను చూసేందుకు వేల రూపాయలు పెట్టి టిక్కెట్లు కోనుగోలు చేస్తున్నారు సచిన్ అభిమానులు. భారత్, వెస్టిండీస్ ల మ్య ఈ నెల 14 నుంచి 18 వరకు వాంఖడే స్టేడియంలో జరగనున్న మ్యాచ్ కు బాలీవుడ్ తారలు పెద్ద ఎత్తున హాజరుకానున్నారు.

 

సచిన్ చివరి మ్యాచ్ కావడంతో బాలీవుడ్ తారలు తప్పనిసరిగా ఈ మ్యాచ్ తిలకించనున్నారు. అమీర్ ఖాన్, రణబీర్ కపూర్; షాహిధ్ కపూర్, వరుణ్ దావన్, సుశాంత్ సింగ్ తదితరులు మ్యాచ్ ను ప్రత్యక్షంగా వీక్షించనున్నారు. బాలీవుడ్ బాద్ షా షారుఖ్ మాత్రం మ్యాచ్ మిస్ అవుతున్నారు.

 

గతంలో క్రికెట్ గ్రాండ్స్ లో హల్ చల్ చేసిన షారుఖ్ కు నిరాశ మిగిలింది. ఐపీఎల్ మ్యాచ్ సందర్భంగా వాంఖడే స్టేడియంలో షారుఖ్, సెక్యూరిటీ గార్డుల మద్య జరిగిన వాగ్వాదమే ఇందుకు కారణం. ఆ వివాదం సందర్బంగా మరోసారి స్టేడియంలో అడుగుపెట్టనని షారుఖ్ అన్నారు.

 

ముంబయి క్రికెట్ అసోసియేషన్ కూడా షారుఖ్ పై నిషేదం విధించింది. దీంతో సచిన్ 200వ టెస్టు మ్యాచ్, రిటైర్మెంట్ వేడుకకు షారూఖ్ దూరం అవుతున్నాడు. ఈడెనె గార్డెన్స్ లో జరిగిన సచిన్ 199వ మ్యాచ్ ని చూద్దామనుకున్న షారుఖ్ కు మ్యాచ్ మూడు రోజుల్లో ముగియడంతో ఆ అవకాశం కూడా దక్కలేదు. దీంతో షారుఖ్ ఇంట్లోనే టీవీ లో లైవ్ మ్యాచ్ చూసి ఆనందపడ్డాల్సిందే.