దానికి అలవాటుపడుతున్న మన నిర్మాతలు

Posted: 11/12/2013 11:36 AM IST

టాలీవుడ్ బడా నిర్మాతలు, చిన్న నిర్మాతలు అందరు చిన్నగా దానికి అలవాటుపడుతున్నారు. ప్రస్తుతం సినిమా ఇండస్ట్రీలో ఒక సినిమాను నిర్మించాలంటే.. భారీ బడ్జెట్ అవసరమవుతోంది. సరిగ్గా సినిమా తీశాక అది కాస్త బోల్తా కొట్టిందనుకో.. నిర్మాత పూర్తిగా నష్టపోవాల్సి వస్తుంది. ఇక ఈ సాంప్రదాయానికి మన టాలీవుడ్ నిర్మాతలు ఫుల్ స్టాప్ పెట్టే పనిలో పడ్డారు.

 

భారీ బడ్జెట్ సినిమాలను ఒక్క నిర్మాతే తీయకుండా.. పలువురు నిర్మాణ ప్రొడక్షన్ సంస్థలన్నీ కలిసి సినిమాను తీస్తున్నారు. కొన్ని పెద్ద బడ్జెట్ సినిమాలకు ఇద్దరు ముగ్గురు నిర్మిస్తున్నారు. అది చిన్న సినిమా అయినా భారీ బడ్జెట్ మూవీ అయినా నిర్మాతలు తలా కొంత బడ్జెట్ పంచుకుంటున్నారు.

 

దీనిలో భాగంగానే.. ఈ నెల 14న విడుదల కాబోతున్న 'మసాలా' చిత్రాన్ని 'సురేష్ బాబు', 'స్రవంతి రవికిశోర్' నిర్మిస్తున్నారు. అలాగే 'అల్లు అర్జున్ రేసుగుర్రం'కు నల్లమలుపు బుజ్జి, వెంకటేశ్వరరావు నిర్మిస్తున్నారు. ఇక బాలకృష్ణ 'లెజెండ్' మూవీని '14రీల్స్ ఎంటర్ టైన్ మెంట్', 'వారహి చలన చిత్ర'లు సంయుక్తంగా నిర్మిస్తున్నాయి. అలాగే చిరంజీవి మేనల్లుడు సాయి ధరమ్ తేజ ' పిల్లా నువ్వులేని జీవితం' కు కూడా ఇద్దరు నిర్మాతలున్నారు. ఇక మరో వైపు ఏ పెద్ద సినిమాకైనా రిలయన్స్ ఎంటర్ టైన్ మెంట్ కూడా భాగస్వామిగా మారుతోంది.

 

ఇలా ఒకే సినిమాకు ఇద్దరు నిర్మాతలు ఉండటం ద్వారా ఆయా సినిమాల నిర్మాణ వ్యయాన్ని పంచుకోవడంతో పాటు... ఖర్చును కూడా తగ్గించుకోవచ్చు. అలాగే సినిమా ఫ్లాప్ అయి.. నష్టాలొచ్చినా.. తక్కవలో బయటపడతారు. అందుకే ఇప్పుడు కొందరు పెద్ద నిర్మాతలు కూడా చిన్న బడ్జెట్ లు పెట్టి పెద్ద సినిమాలే తీసేందుకు ఉత్సాహం చూపుతున్నారు. దీంతో ఇప్పుడు టాలీవుడ్ లో రోజు రోజుకూ జాయింట్ సినిమాలు పెరిగిపోతున్నాయి. సో.. టాలీవుడ్ లో మంచి పరిణామాలే స్టార్ట్ అయ్యాయని చెప్పవచ్చు.