సీమాంధ్ర వద్దు.... ప్యాకేజే ముద్దు .?

Posted: 11/06/2013 08:50 AM IST

తెలంగాణ విభజన ప్రకటన తరువాత సీమాంధ్ర ప్రాంతానికి చెందిన కేంద్ర, రాష్ట మంత్రులు ఎంతో ఆవేశంగా రాజీనామాలు చేసి మేం తెలంగాణకు వ్యతిరేకులం అని చాటి చెప్పుకునే ప్రయత్నం చేసిన విషయం తెలిసిందే. ఇన్నాళ్ళు కూడా తన అమూల్యమైన ఓటు వేసి గెలిపించిన ప్రజల్ని కూడా మభ్యపెడుతూ సాధ్యమైనంత వరకు తెలంగాణ ఏర్పాటును అడ్డుకుంటామని చెప్పుకొచ్చిన సీమాంధ్ర కేంద్ర మంత్రుల పోరాటం అంతా ఉత్తిదే అని తేలిపోయింది.

ఇన్నాళ్ళు సీమాంధ్ర ప్రజలను మోసం చేస్తూ రాజీనామాలు చేస్తున్నామంటూ సమైక్యఉద్యమం చేసిన కేంద్ర మంత్రలు ఇప్పుడు తెలంగాణ విభజనకు అనుకూలంగా వెళ్లాలని, తెలంగాణ ఏర్పాటుకు మద్దతు ఇచ్చి సీమాంధ్రకు భారీ ప్యాకేజీ ఇవ్వాలని డిసైడ్ అయ్యారు. మంగళ వారం రాత్రి కేంద్రమంత్రి కావూరి సాంబశివరావు ఇంట్లో సమావేశమైన సీమాంద్రకేంద్ర మంత్రులు పలు కీలక నిర్ణయాలు తీసుకున్నారు. రాష్ట్ర విభజనకు బహిరంగంగా అంగీకారం తెలపాలని మంత్రులు కావూరి సాంబశివరావు, ఎంఎం పల్లంరాజు, పనబాక లక్ష్మి, డి.పురందేశ్వరి, కిల్లికృపారాణి నిర్ణయించారు.

దీనికి సంబంధించిన అధికారిక ప్రకటన రావడమే తరువాయి. సీమాంధ్రకు భారీగా ప్రతిష్టాత్మక విద్యాసంస్థలు, మౌలిక సదుపాయాల కల్పన ప్రాజెక్టులు, నిధులు, పన్నుల మినహాయింపు, ఉపాధి కల్పన ప్రాజెక్టులు తదితరాలు ఇవ్వాలంటూ వినతిపత్రం రూపొందించాలని నిర్ణయించినట్లు మనకు అందిన సమాచారం ప్రకారం తెలుస్తుంది.. ప్రజల్లో ఉన్న వ్యతిరేకతను తగ్గించేందుకు భారీ ప్యాకేజీ డిమాండ్ చేసి ప్రజల్ని చల్లబరచాలని డిసైడ్ అయ్యారు.

సీమాంధ్ర అభివృద్ధికి ప్యాకేజీ కోరుతూ... జాబితాను తయారు చేయాలని ఇదే జాబితాను నేడు ప్రధానమంత్రి మన్మోహన్‌సింగ్‌ను కలిసి అందజేయనున్నామని. రేపు జరగబోయే జీఎంఓకు సమావేశంలో కూడా ఇదే విషయాన్ని ప్రస్తావించనున్నట్లు ఈ సమావేశం అనంతరం పనబాక లక్ష్మి తెలిపారు. సమైక్యాంధ్ర కోసం చివరి వరకు పోరాడతామని నమ్మబలికిన ఈ నాయకుల్ని ప్రజలు క్షమిస్తారంటారా ?