విభజనపై ఢిల్లీలో ‘గంటా ’ వారి ప్రయోగాలు

Posted: 10/24/2013 04:02 PM IST

రాష్ట్ర గవర్నర్ నరసింహన్ ఢిల్లీలో కాంగ్రెస్ పెద్దలతో, ప్రభుత్వ అధికారులతో బిజీ బీజీగా ఉన్నారు. ఇలాంటి సందర్భంలో కొంత మంది సీమాంద్ర నేతలు సమైక్య రాష్ట్ర అంశంపై సీమాంధ్ర కాంగ్రెస్‌ ప్రజా ప్రతినిధులు మరోసారి ఢిల్లీ బాటపట్టారు. అయితే ఈరోజు ఉదయం ఢిల్లీ వెళ్లిన పలువురు సీమాంధ్ర మంత్రులు, కాంగ్రెస్‌ ప్రజాప్రతినిధులు సాయంత్రం రాష్ట్రపతి ప్రణబ్ ముఖర్జీని రాత్రి ఏడుగంటలకు కలువనున్నారు. కొంత మంది సీమాంధ్ర కాంగ్రెస్‌ ప్రజాప్రతినిధులకు రాష్ట్రపతి అపాయింట్‌ మెంట్‌ ఇచ్చినట్టు సమాచారం.

 

ఢిల్లీ పెద్దలతో రాష్ట్ర విభజనపై కొంత మంది సీమాంద్ర కాంగ్రెస్ నేతలు.. సరికొత్త ప్రయోగాలు చెయ్యటానికి వెళ్లినట్లు సమాచారం. రాష్ట్ర విభజన ప్రక్రియ వేగవంతం అవుతుందని, రాష్ట్ర వ్యహారాల ఇన్ చార్జీ ప్రతి రోజు మీడియా ముందు చెబుతున్నారు. ఇలాంటి సందర్భంలో సీమాంద్ర కాంగ్రెస్ నేతలు.. కాంగ్రెస్ పెద్దలను కలిసే అవకాశం ఎక్కువుగా ఉంది

రాష్ట్ర విభజన ప్రక్రియ ఏకపక్షంగా సాగుతోందని.... విభజన వల్ల తలెత్తే సమస్యలను పరిష్కారంపై కేంద్రం స్పష్టత ఇవ్వకుండా తెలంగాణ ఏర్పాటు ప్రక్రియను వేగవంతం చేస్తోందంటూ సీమాంధ్ర నేతలు ఫిర్యాదు చేయనున్నారు. అయితే రాష్ట్ర మంత్రి గంటా శ్రీనివాసరావు మాట్లాడుతూ రాష్ట్ర విభజన రాజ్యాంగ విరుద్ధంగా జరుగుతుందని...అప్రజాస్వామిక విధానాన్ని నిలిపివేయాలని రాష్ట్రపతిని కోరతామన్నారు. ఈరోజు రాత్రి ఏడు గంటలకు రాష్ట్రపతి, ఎనిమిది గంటలకు దిగ్విజయ్ ను కలుస్తామన్నారు.

 

విభజనపై అసెంబ్లీ తీర్మాణం లేకుండా తెలంగాణ ఏర్పాటు చేయడం అప్రజాస్వామికమన్నది సీమాంధ్ర కాంగ్రెస్‌ ప్రజాప్రతినిధుల ఆరోపణ. తెలంగాణ ముసాయిదా బిల్లును అసెంబ్లీ వ్యతిరేకిస్తే విభజన ప్రక్రియను ఆపాలంటూ రాష్ట్రపతిని సీమాంధ్ర నేతలు కోరనున్నారు. పార్టీ రాష్ట్ర వ్యవహారాల ఇంచార్జీ దిగ్విజయ్‌తో భేటీ కానున్న నేతలు... విభజన నిర్ణయం వల్ల సీమాంధ్రలో కుదేలైన కాంగ్రెస్‌ను ఎలా బతికిస్తారో చెప్పాలంటూ ప్రశ్నించనున్నారు.

 

విభజన ముసాయిదా బిల్లు నవంబర్‌ అఖరుకల్లా అసెంబ్లీకి రానున్న నేపధ్యంలో సమైక్య రాష్ట్ర డిమాండ్‌పై సీమాంధ్ర నేతలు చేస్తున్న ఈ తాజా ఢిల్లీ పర్యటన ప్రాధాన్యత సంతరించుకుంది. హస్తిన చేరుకున్న వారిలో మంత్రులు గంటా శ్రీనివాసరావు,టీజీ వెంకటేష్,ఎమ్మెల్సీ రుద్రరాజు పద్మరాజు, నాగేశ్వరరావు తదితరులు ఉన్నారు.

 

రాష్ట్ర విభజన పై సరికొత్త ప్రయోగాల చేయటానికి ఢి్ల్లీ వెళ్లిన సీమాంద్ర నేతలు విషయం తెలుసుకున్న తెలంగాణ కాంగ్రెస్ నేతల్లో టెన్షన్ మొదలైంది. ఢిల్లీలో ఏం జరుగుతుందో అనే భయంతో తెలంగాణ కాంగ్రెస్ నెతలు కలవరం చెందుతున్నారు. రాష్ట్ర గవర్నర్, సీమాంద్ర నేతలు.. హైదరాబాద్ వచ్చే వరకు తెలంగాణ కాంగ్రెస్ నేతల్లో ఉన్న టెన్షన్ తగ్గదనే రాజకీయ మేధావులు అంటున్నారు.