శ్రీకాంత్ కి పవన్ తలుపులు తెరిచేనా ?

Posted: 10/10/2013 03:24 PM IST

‘అన్నీ ఉన్నా అల్లుడి నోట్లో శని అన్నట్లు ’ చేసిన సినిమాలు సూపర్ హిట్  అవ్వడమే కాకుండా భారీ కలెన్లు సాధించి మంచి స్రుజనాత్మక దర్శకుడిగా పేరు తెచ్చుకున్న శ్రీకాంత్ అడ్డాల టాలీవుడ్ మల్టీ స్టారర్ చిత్రాలకు తెరలేపుతూ ‘సీతమ్మ వాకిట్లో సిరిమల్లె చెట్టు ’ లాంటి సూపర్ హిట్ అందించి చాలా రోజులు అయినా ఇంత వరకు ఏ సినిమాకు కమీట్ కాలేదు. ఈ పరిస్థితి చూస్తుంటే సినీ జనాలకే ఆశ్చర్యం వేస్తుంది. ఒక్క సినిమా హిట్ కాగానే మరో రెండు సినిమాలకు కమీట్ అయ్యే దర్శకులు అన్నారు.

కానీ శ్రీకాంత్ అడ్డాల స్టైల్ వేరు.  తాను రాసుకున్న కథల్ని హడావుడిగా వినిపించి, ఒప్పించే టైపు కాదు. ప్రస్తుతం తన దగ్గర చాలా కథలే ఉన్నా ఆ మధ్య నాగబాబు కొడుకు వరుణ్ తేజ్ ‘గొల్ల భామ ’ గా ఇండస్ట్రీకి పరిచయం చేయబోతున్నాడన్ని వార్తలు వచ్చాయి. కానీ చివరి నిమిషంలో ఈ ప్రాజెక్టు నుండి తప్పుకున్నాడు. అయితే ఈ కథను పవన్ కి తగ్గట్లుగా రాసుకున్నాడు కాబట్టే వరుణ్ తేజను ప్రక్కన పెట్టి పవన్ పై కన్నేశాడని అంటున్నారు. ఈ కథ పవన్ కి బాగా సూటవుతుందని భావిస్తున్న శ్రీకాంత్ ఎప్పుడెప్పుడు పవన్ కి కథ వినిపించాలా అనే ఉత్సాహంతో ఉన్నాడని అంటున్నారు.

ప్రస్తుతం గబ్బర్ సింగ్ -2 సినిమాకు కమీట్ అయిన పవన్ దగ్గరి నుండి పిలుపు రావచ్చని సమాచారం. గతంలో ‘సీతమ్మ ’ కథను విని చేస్తానని చివర్లో తప్పుకున్న పవన్ ఈ సారి శ్రీకాంత్ కి ఛాన్స్ ఇస్తాడనే అంటున్నారు.  పీవీపీ సంస్థకు పవన్ చేయనున్న చిత్రానికి శ్రీకాంతే దర్శకత్వం వహిస్తాడని సమాచారం. మరి ఎప్పటి నుండో పవన్ తో సినిమా చేయాలన్న ఆయన కొరిక తీరుతుందో లేదో చూడాలి.