అందరు మోసం చేశారు

Posted: 10/10/2013 03:03 PM IST

Ap ngo leader ashok babu comments on political leaders

రాష్ట్ర విభజన విషయంలో సీమాంద్ర కేంద్ర మంత్రులు, ఎంపీలు , కేంద్ర ప్రభుత్వం అంతా కలిసి ప్రజలను మోసం చేశారని సమైక్యరాష్ట్ర పరిరక్షణ సమితి ఛైర్మన్ పర్చూరి అశోక్ బాబు అన్నారు. గణవరంలో నిర్వహించిన మహాగర్జన సదస్సులో ఆయన పాల్గొన్నారు. తెలంగాణ ప్రకటన నుంచి కేబినెట్ నోట్ పేట్టేవరకు కేంద్రం, ఎంపీలు, మంత్రులు తప్పుడు ప్రకటనలతో మోసగించారని, ఇప్పటికైనా సీమాంద్ర మంత్రులు ఎంపీలు, చివరి అవకాశంగా రాజీనామాలు చేసి బయటకు రావాలని డిమాండ్ చేశారు. వచ్చే ఎన్నికల్లో సమైక్యక రాష్ట్రానికి కట్టుబడిన నేతలను గెలిపించాలన్నారు.

2014 ఎన్నికల వరకు రాష్ట్ర విభజన జరగకుండా చూస్తామని ఆయన చెప్పారు. అనంతరం జై సమైక్యాంద్ర అంటూ ప్రజలచే నినాదాలు చేయించారు. గణపవరం సమైక్యాంద్ర ఐకాస ఆద్వర్యంలో నిర్వహించిన ఈ సదస్సులో ప్రజా గాయకుడు వంగపండు ప్రసాదరావు పాడిన పాటలు ప్రజలను అలరించాయి. జిల్లా ఎన్జీవో సంఘం అద్యక్షుడు విద్యాసాగర్ రావు , జిల్లా రెవెన్యూ సర్వీసెన్ సంఘం అధ్యక్షుడు సోమశేఖర రావు, తదితరులు పాల్గొన్నారు.