జగన్ సమైక్య రాగానికి-నాయకులు జంప్

Posted: 08/26/2013 12:58 PM IST

సమైక్యాంద్ర ఉద్యమం తారస్థాయికి చేరుకుంది. సమైక్యాంద్రకు మద్దతుగా అన్ని రాజకీయ పార్టీల నుండి మద్దతు లభిస్తుంది. రెండు సిద్దాంతం అవలంబించే టిడిపి అధినేత చంద్రబాబు సైతం .. సమైక్యాంద్రకు మద్దతుగా బస్సుయాత్ర చెయ్యాలని ఉద్దేశం ఉన్న విషయం తెలిసిందే. చంద్రబాబు రాష్ట్ర విభజన పై యూ టర్న్ తీసుకొని ఆత్మగౌరవ యాత్ర చెయ్యటానికి పార్టీలో సన్నాహాలు జరుగుతున్నాయి. అయితే సమైక్యాంద్రకు మద్దతుగా.. టిడిపి లీడర్ నందమూరి హరిక్రిష్ణ బస్సుయాత్ర చెయ్యటానికి సిద్దమయ్యాడు. అయితే ఇప్పుడు సరికొత్తగా సమైక్యాంద్ర కోసం వైఎస్ఆర్ కాంగ్రెస్ పార్టీ అధినేత వైఎస్ జగన్మోహన్ రెడ్డి జైల్లో దీక్ష చెయ్యటానికి పునుకున్న విషయం తెలిసిందే. జగన్ ఆదివారం నుండి చంచల్ గుడా జైల్లో దీక్ష చేతున్నట్లు ఆ పార్టీ నాయకులు అంటున్నారు. అయితే జగన్ దీక్ష రెండో రోజుకు చేరుకుంది. జగన్ సమైక్యాంద్ర కోసం చేస్తున్న దీక్షకు రాష్ట్ర వ్యాప్తంగా మద్దతు లభిస్తుంది. బనగానపల్లి ఎమ్మెల్యే కాటసాని రామిరెడ్డి వైసీపీ గూటికి చేరుకున్నారు. జిల్లాలో జగన్‌కు మద్దతుగా ఫ్లెక్సీలను ఏర్పాటు చేశారు. అయితే, సమైక్యంద్ర ప్రభావం కారణంగా మళ్లీ జగన్ పార్టీలోకి వలసలు ప్రారంభమయ్యాయి. తెలుగుదేశం పార్టీ సీనియర్ నేత, ఉత్తరాంధ్ర నాయకుడు తమ్మినేని సీతారాం ఆ పార్టీకి గుడ్ బై చెప్పారు. ఆయన జగన్ పార్టీలో చేరనున్నారు. వైయస్సార్ కాంగ్రెసు పార్టీ సమైక్యవాద పార్టీగా ముద్ర వేసుకోవడంతో సీమాంధ్రకు చెందిన పలువురు నేతలు మళ్లీ జగన్ వైపు చూస్తున్నట్లుగా కనిపిస్తోంది. సమైక్యాంద్ర మద్దతు దీక్ష చేస్తున్న జగన్ అనేక విమర్శలు కూడా వినిపిస్తున్నాయి. తెలంగాణ నేతలు మరో లక్ష కోట్ల కోసం జైల్లో జగన్ దీక్ష చేస్తున్నారా? జగన్ దీక్ష తెలంగాణ జైల్లో వద్దని, సీమాంద్ర జైల్లో చేసుకోమని తెలంగాణ నేతలు అంటున్నారు. అయితే వైసీపీ నాయకుల్లో మాత్రం కొత్త ఉత్సహం కనిపిస్తుంది. అంబటి లాంటి సీనియర్ నాయకులు మీడియా ముందు రంకేలేస్తున్నారు.