లిప్‌లాక్‌కు పాతిక లక్షలా?

Posted: 08/23/2013 09:17 AM IST

సినిమాల్లో హీరో హీరోయిన్ల మధ్య ముద్దు సన్నివేశం ఉందంటే ఆ సినిమాపై యువతలో ఆసక్తికి తెరలేపుతుంది. అదీ తమ అభిమాన నటీనటులైతే ఆ సినిమాకు మరితం ప్రచారం తెచ్చిపెడుతుంది. ఒకప్పుడు నాయకానాయికలు ముద్దు సన్నివేశాల్లో పాల్గొనలంటే పెద్ద సాహసంలా భావించేవారు. కానీ ప్రస్తుతం సినిమాల్లో మినిమం గ్లామర్‌ లేకపోతే ధియేటర్‌లో టిక్కెట్‌ తెగడం కాస్త కష్టమవుతుందనే చెప్పాలి. డిమాండ్‌, మార్కెట్‌ పెంచు కోవడానికి దర్శక, నిర్మాతలు చేసే ఒత్తిడి నేపథ్యంలో ఇలాంటి సన్నివేశాల్లో నటించడానికి సముఖంగానే ఉంటున్నారు సదరు నాయికలు. వీటికి అంగీకరించడంతో పాటు పారితోషికం కూడా భారీగానే డిమాండ్‌ చేస్తున్నారు. తాజాగా వెలుగులోకి వచ్చిన హీరోయిన్‌ శ్రుతి హసన్‌ ఉదంతం ఇందుకు నిదర్శనం అంటూ ఫిలింనగర్‌లో ఆసక్తికర చర్చలు జరుగుతున్నాయి. ఇప్పటి వరకూ దక్షిణాది చిత్రాల్లో హోవ్లి గాళ్ల్‌గా నటించిన శ్రుతిని ఓ తెలుగు దర్శకుడు లిప్‌లాక్‌ సన్నివేశంలో నటించాలని అడిగాడట. దానికి ముద్దుగుమ్మ అంగీకారం తెలిపినట్లు వార్తలు వస్తున్నాయి. కానీ ఈ ఒక్క సన్నివేశం కోసం 25 లక్షలు అదనపు పారితోషికం అడిగిందని సమాచారం. ఇప్పటికే ఉత్తరాదిన శ్రుతి శ్రుతి మించుతుందనే చెప్పుకుంటున్నారు.