చంద్రబాబు వదిలిన బాణం

Posted: 07/19/2013 07:37 PM IST

 

హైటెక్ మాంత్రికుడు నారా చంద్రబాబు నాయుడు జూనియర్ ఎన్టీఆర్ మీదకు మరో బాణం వదిలాడు. జూనియర్ ఎన్టీఆర్ ను పూర్తిగా విల్లువిరిసేందుకు రంగం సిద్దం చెయ్యటం జరిగింది. జరుగుతున్న పరిణమాలను బట్టి నిజమే అనే అనుమానం అందరికి వస్తుంది. నందమూరి వంశం నుండి చంద్రబాబుకు యంగ్ హీరోల మద్దతు లభించటంతో.. జూనియర్ ఎన్టీఆర్‌కు చెక్ పెట్టేందుకు నటుడు కళ్యాణ్ రామ్ ఓం 3డి బాణాన్ని వదిలాడు. జూనియర్ ఎన్టీఆర్‌ను పార్టీకి దూరంగా ఉంచాలని చంద్రబాబుతో పాటు నందమూరి హీరో బాలకృష్ణ కూడా నిర్ణయించినట్లు సమాచారం. నందమూరి హరికృష్ణ కూడా చంద్రబాబుకు దూరంగానే ఉంటున్నారు. ఈ నేపథ్యంలో ఇరు పక్షాల మధ్య సయోధ్యకు కళ్యాణ్ రామ్ ప్రయత్నాలు చేసినట్లు అప్పట్లో వార్తలు వచ్చాయి.ఇప్పుడు హరికృష్ణ కుటుంబ సభ్యుల నుంచి కళ్యాణ్ రామ్‌ను చేరదీయడం ద్వారా నందమూరి కుటుంబ సభ్యులు తమ వైపు ఉన్నారని చాటుకోవడానికి చంద్రబాబు ప్రయత్నాలు సాగిస్తున్నట్లు సమాచారం.

 

రీసెంట్ కళ్యాణ్ రామ్ చెమటోడ్చి తీసిన ఓం త్రీడి సినిమాను చూసి చంద్రబాబు అభినందించారు. ఓంను అద్భుతమైన సినిమాగా చంద్రబాబు అభివర్ణించారు. చంద్రబాబు సాధారణంగా సినిమాలకు దూరంగా ఉండే బాబు చాలా తక్కువ సందర్భాల్లో సినిమాలు చూసి కితాబులు ఇచ్చారు. కళ్యాణ్ రామ్ మొదటి నుంచి చంద్రబాబుకు సన్నిహితంగానే ఉంటున్నారు. అలాగే, మరో నందమూరి హిరో తారకరత్న కూడా చంద్రబాబుకు, బాలకృష్ణకు మధ్దతు ప్రకటిస్తున్నారు. నందమూరి యంగ్ నటసింహాలతో చంద్రబాబు ఎన్టీఆర్ పై బాణాలు వదులుతున్నాడు. అయితే 2014 ఎన్నికల నాటికి .. పార్టీలో జూనియర్ ఎన్టీఆర్ పేరు వినబడకుండా చెయ్యలనేది చంద్రబాబు ఆలోచనని పార్టీ వర్గాలు అంటున్నాయి. బాలయ్య కూడా జూనియర్ ఉన్న అన్ని దారులను మూసే పనిలో బిజీగా ఉన్నట్లు సమాచారం. హరిక్రిష్ణ మాత్రం .. జూనియర్ ఎన్టీఆర్ కు సపోర్టుగా మీసాలు తిప్పుతున్నాడు. 2014 ఎన్నికల్లో నారా వార్సెస్ నందమూరి కుటుంబల మద్య రసవత్తమైన రాజకీయం జరుగుతుందని రాజకీయ విశ్లేషకులు అంటున్నారు. చాణుక్యుడు చంద్రబాబు ఏం చేస్తాడో చూద్దాం.