బండ్ల గణేష్ కు అంటుకున్న అత్యాచారం?

Posted: 07/15/2013 04:53 PM IST

చిన్న నటుడు గా జీవితం ప్రారంభించి, నిర్మాతగా సినిమా రంగంలో దూసుకుపోతున్న టాలీవుడ్ బ్లాక్ బాస్టర్ నిర్మాత బండ్ల గణేష్ కొత్త చిక్కుల్లో పడ్డారు. రీసెంట్ గా బండ్ల గణేష్ ఆస్తులపై ఐటీ దాడులు జరిగినప్పుడు కూడా బండ్ల గణేష్ ఇంతగా భయపడలేదని ఫిలింనగర్ వాసులు అంటున్నారు. కానీ ఇప్పుడు బండ్ల గణేష్ మెడకు అత్యాచారం కేసు చుట్టుకుంది. పోలీసులు చేతిలో ఉంటే బండ్ల గణేష్ సేప్ గా ఉండేవాడు. కానీ ఆ కేసు ఇప్పుడు మానవ హక్కుల కమిషన్ వద్దకు చేరింది. అంటే బండ్ల గణేష్ అత్యాచారం చెయ్యలేదు. కానీ షాద్ నగర్ గ్రామంలో గణేశ్ కు సంబంధించిన పరమేశ్వర పౌల్ట్రీలో ఓ బాలికపై అత్యాచారం జరిగిందని, దీనిపై బండ్ల గణేష్ పై చర్యలు తీసుకోవాలని ఓ స్వచ్ఛంద సంస్థ హెచ్చార్సీలో ఫిర్యాదు చేసింది.

 

అసలు విషయం ఏమిటంటే..మహబూబ్‌నగర్ జిల్లా షాద్‌నగర్ మండలం తిమ్మాజిపల్లి తండా సమీపంలోని పరమేశ్వర పౌల్ట్లీలో కర్నూలు జిల్లా నంద్యాలకు చెందిన దంపతులు పనిచేస్తున్నారు. వీరు మూడు రోజుల క్రితం పని మీద సొంత ఊరికి వెళ్లారు. వారి చిన్న కూతురు ఇక్కడే ఉంది. ఆ బాలిక ఈ నెల 9వ తేదీన పౌల్ట్లీలో గుడ్లు తీస్తుండగా అక్కడే పనిచేసే ఉద్యోగి శ్రీను ఆ బాలికను మరో షెడ్లో గుడ్లు తీయాలని తీసుకెళ్లాడు. అక్కడ ఎవరూ లేరని నిర్ధారించుకుని అత్యాచారానికి ఒడిగట్టాడు. బాలిక తండ్రి ఫిర్యాదు చేయడంతో పోలీసులు కేసు నమోదు చేసి దర్యాప్తు చేస్తున్నారు. అయితే 9 ఏళ్ల బాలికను పనిలో పెట్టుకోవడం చట్టరీత్యా నేరం అయిన నేపథ్యంలో బండ్ల గణేష్ పై చర్యలు తీసుకోవాలని వారు తమ ఫిర్యాదులో పేర్కొన్నట్లు తెలుస్తోంది.