రామ్‌ చరణ్‌ తేజ ‘బిస్కేట్ ’

Posted: 06/13/2013 12:51 PM IST

కేంద్ర మంత్రి మెగా స్టార్ చిరంజీవి తనయుడు మెగా పవర్ స్టార్ రామ్ చరణ్ తేజ్ వెండి తెరమీదే కాకుండా, ప్లబిక్ లో కూడా సంచలనం రేపుతున్నాడు. టాలీవుడ్ నుండి బాలీవుడ్ లో అడుగు పెట్టిన రామ్ చరణ్ పేరు ఇప్పుడు ఇతర దేశాల్లో కూడా మారుమోగిపోతుంది. రామ్ చరణ్ కు ‘మగదీర ’ ఫ్యాన్స్ ప్రపంచ దేశాల్లో ఉన్నట్లు తెలుస్తోంది. మెగా అభిమానులతో ప్రపంచం మొత్తం నిండిపోయిందనటానికి ఇదే నిదర్శనం. రామ్‌ చరణ్‌ తేజ జపాన్‌లో సైతం సంచలనం సృష్టించారు. అక్కడి ఒక ప్రముఖ కంపెనీ తాము తయారు చేసే బిస్కెట్లకు ఆయన పేరు పెట్టి ఆ ప్యాకెట్లపై ఆయన బొమ్మ ముద్రించింది. రామ్‌ చరణ్‌ తేజ నటించి న సూపర్‌ హిట్‌ చిత్రం మగధీర ఇటీవల జపాన్‌ సబ్‌ టైటిల్స్‌తో అక్కడ విడుదలైంది. అక్కడ కూడా హిట్‌ అయింది. దానితో ఆయనకు అక్కడ ఉన్న ప్రజాదరణను గౌరవించే ఉద్దేశంతో ఆ బిస్కెట్‌ కంపెనీ చరణ్‌ లవ్‌ పేరుతో క్రీమ్‌ బిస్కెట్లను విడుదల చేసింది. భారతీయ చిత్రాలకు ఎక్కువ ప్రజాదరణ ఉన్న దేశాల్లో జపాన్‌ ఒకటి. అక్కడ ఎక్కువ ప్రజాదరణ ఉన్న భారత నటుల్లో రజనీ కాంత్‌ ఒకరు. ఇటీవలి కాలంలో రామ్‌ చరణ్‌ తేజ అక్కడ తనకంటూ ఒక గుర్తింపు తెచ్చుకున్నారు. అక్కడి అభిమానుల నుంచి ఆయనకు పెద్దఎత్తున ఈ మెయిల్‌ సందేశాలు అందుతున్నాయని తెలిసింది. జపాన్ లో మెగా అభిమానులు తమ అభిమానాన్ని ఇలా చాటుకున్నారు. ఈ విషయం తెలుసుకున్న మెగా అభిమానులు ఆనందంతో పండుగ చేసుకుంటున్నారు.