మంత్రి కన్నా ఆస్తుల వివరాలు రాయపాటి చేతిలో?

Posted: 06/12/2013 01:33 PM IST

వ్యవసాయ శాఖ మంత్రి కన్నా లక్ష్మీనారాయణ పై గుంటూరు ఎంపీ రాయపాటి సాంబశివరావు ఒక విచిత్ర మైన ప్రయోగం చేశారు. సమాచార హక్కు చట్టం కింద మంత్రి కన్నా లక్ష్మీనారాయణ ఆస్తుల వివరాలు రాయసాటి సేకరించినట్లు సమాచారం. అయితే రాయపాటి చేతిలో మంత్రి కన్నా ఆస్తుల వివరాలు ఉండటం పై కన్నావర్గం వారు మండిపడుతున్నారు. అంతేకాకుండా గుంటూరు కాంగ్రెస్ పరువు బజారునపడిందని, మంత్రి కన్నా వర్గం వారు ఆరోపిస్తున్నారు. ఇటీవల కాలంలో రాయపాటి సాంబశివరావు మంత్రి కన్నా పైకి ఒంటి కాలు మీద దూకుతున్నాడు. రీసెంట్ గా జగన్ అక్రమాస్తుల కేసులకు సంబంధించిన విషయంలో సిబిఐ వారు కొంతమంది మంత్రులును విచారించిన విషయం తెలిసిందే.

అయితే వారిలో మంత్రి కన్నా పేరు ఉండటంతో.. ‘కోతికి కొబ్బరి చిప్ప దొరికినట్లుగా’రాయపాటి రెచ్చిపోయి మీడియ ముందు ప్రకటనలు చేయ్యటం జరిగింది. కళంకిత మంత్రులను వెంటనే తొలగించండని కాంగ్రెస్ అధిష్టానానికి రాయపాటి సలహా ఇవ్వటం. అవినీతి మంత్రులు వలన పార్టీ కి నష్టం జరుగుతుందని సూచించారు. కన్నా పై రాయపాటి ప్రత్యర్థి పోరు ఎప్పటి నుండో జరుపుతునే ఉన్న విషయం తెలిసిందే. రీసెంట్ రాయపాటి మంత్రి కన్నా ఆస్తుల వివరాలు సేకరించట పై గుంటూరు కాంగ్రెస్ నాయకుల మద్య యుద్ద వాతావరణం నెల్పకొంది. కాంగ్రెస్ పార్టీ సీనియర్ నాయకులే పార్టీ పరువు తీస్తున్నారని కాంగ్రెస్ కార్యకర్తలు అంటున్నారు.

రాయపాటి వ్యవహరిస్తున్న తీరుపై హైదరాబాద్ గాంధీ భవన్ లో సీనియర్ నాయకులు మండిపడుతున్నారు. రాయపాటి వ్యవహార శైలి కాంగ్రెస్ పార్టీని దెబ్బ తీసే విధంగా ఉందని రాజకీయ విశ్లేషకులు అంటున్నారు. రాయపాటి సమాచార హక్కు చట్టం కింద, మంత్రి కన్నా లక్ష్మీనారాయణ ఆస్తుల వివరాలు పొందటం వలన ప్రతిపక్ష పార్టీలకు బలం చేకురుతుందని కాంగ్రెస్ పార్టీ సీనియర్ నాయకులు అంటున్నారు. ఈ నాయకుల విషయం పై కాంగ్రెస్ పార్టీ అధిష్టానం ఎలాంటి నిర్ణయం తీసుకుంటుందో చూడాలి.