అందాల పోటీల్లో బికినీ అందాలు

Posted: 06/07/2013 09:47 AM IST

ప్రపంచ అందాల సుందరి పోటీల కోసం ప్రపంచ దేశాల అభిమానులు ఎదురు చూస్తారు. ఎందుకంటే ఆ పోటీలలో ప్రపంచదేశాల సుందరీమణులు పాల్గొనడమే కాకుండా, వారు వేసుకునే చిట్టి పొట్టి డ్రెస్సులు, మతులు పోగొట్టె అందాలు కూడా కనువిందు చేస్తాయి. ఈ అందాల పోటీల్లో స్విమ్ సూట్లు, బీచ్ ఫ్యాషన్ ప్రదర్శనలతోపాటు మరికొన్ని అర్ధనగ్న ప్రదర్శనలు హోరెత్తించడంతో ఈ అందాల పోటీలకు అంత క్రేజ్ ఏర్పడింది. అయితే ఇక పై అలాంటి అందాలను చూద్దామని ఆశపడే వారికి నిరాశ తప్పదు. ఎందుకంటే ఈ సంవత్సరం నుండి నిర్వహించబోయే అందాల పోటీల్లో బికినీలు ఉండవని చెప్పేశారు.

ఎందుకంటే, ఇండోనేసియా లాంటి ముస్లిం ప్రధాన దేశాల్లో వివాదాలను నివారించడానికి ఈ నిర్ణయం తీసుకున్నారు. అందాల పోటీలంటే అందమైన అమ్మాయిలను అమ్మకానికి పెట్టడమేనని ఇండోనేషియాలోని హిజ్బ్ ఉత్ తాహీర్ గ్రూప్ ఆగ్రహం వ్యక్తం చేస్తోంది. అలాంటి అందాల పోటీలకు తమ దేశంలో స్థానం లేదని బలంగా వ్యతిరేకిస్తోంది. సెప్టెంబర్ లో జరిగే ఫైనల్ పోటీల్లో పాల్గొనే దాదాపు 130 మంది మహిళలు బాలీ, జకర్తా, బాగోర్ ప్రదేశాల్లో పలు విభాగాల్లో పోటీల్లో పాల్గొనున్నారు.సాంప్రదాయ మత పెద్దల ఒత్తిడికి తలొగ్గిన నిర్వాహకులు మిస్ వరల్డ్ అందాల పోటీల్లో బికినీ పరేడ్ ఉండదని స్పష్టం చేశారు. ముస్లింలు అత్యధిక సంఖ్యలో ఉండే ఇండోనేషియాలో వారి మనోభావాలను గౌరవిస్తూ ఈ నిర్ణయం తీసుకున్నట్లు మిస్ వరల్డ్ ఆర్గనైజేషన్ చైర్‌పర్సన్ జూలియా మార్లే తెలిపారు. అందాల పోటీలు దేశ సంస్కృతి వ్యవహారాలకు విరుద్ధమని మత సంస్థలు వీధుల్లోకి వచ్చి నిరసన కార్యక్రమాలతో నిర్వాహకులకు ముచ్చెమటలు పట్టడంతో ఈ నిర్ణయం తీసుకున్నారని కొందరు అంటుంటే... మరికొందరు మాత్రం ఎట్టకేలకు ఈ సాంప్రదాయానికి చరమగీతం పాడినందుకు సంతోషం వ్యక్తం చేస్తున్నారు.