రఘునందన్ సంచలన ఆరోపణ

Posted: 05/21/2013 07:46 PM IST

Telangana news raghunandan meets jd to submit evidence

టీఆర్ఎస్ బహిష్కృత నేత రఘునందనరావు కోఠీలోని సీబీఐ కార్యాలయంలో జాయింట్ డైరెక్టర్ (జేడీ) లక్ష్మీనారాయణను కలుసుకున్నారు. అనంతరం ఆయన మాట్లాడుతూ తెలంగాణ రాష్ట్ర సమితి నేతలు కొందరు అక్రమ వసూళ్ళకు పాల్పడ్డారని, వారిపై చేసిన ఆరోపణలకు సంబంధించి ప్రాథమిక ఆధారాలను సీబీఐకి అందజేయడం జరిగిందని అన్నారు. దీనిపై స్పందించిన జేడీ లక్ష్మీనారాయణ ఆధారాలను పరిశీలించి, అవసరమైతే మళ్లీ పిలుస్తానని, అందుబాటులో ఉండాలని ఆయన సూచించారని రఘునందన రావు తెలిపారు.

కాగా టీఆర్ఎస్ తనను బహిష్కరిండంపై వివరణ ఇవ్వాలని డిమాండ్ చేస్తూ 48 గంటల సమయం ఇచ్చిన విషయం తెలిసిందే. దీనిపై టీఆర్ఎస్ స్పందించకపోవడంతో వాళ్ళపై చేసిన ఆరోపణలపై ఆధారాలతో సహా నిరూపిస్తానని చెప్పిన మాట ప్రకారం ఈరోజు రఘునందనరావు జేడీని కలిసి ఆధారాలను సమర్పించారు. టిఆర్ఎస్ నుంచి సస్పెండైన నేత రఘునందనరావు మరో సంచలన ఆరోపణ చేశారు.

జగన్ కేసులో నిందితుడుగా ఉన్న ప్రముఖ పారిశ్రామికవేత్త నిమ్మగడ్డ ప్రసాద్ నుంచి టిఆర్ఎస్ నేతలు పది కోట్ల రూపాయలు తీసుకున్నారని ఆరోపించారు.దీనికి సంబందించిన ఆదారాలు సిబిఐకి ఇచ్చినట్లు ఆయన మీడియాకు చెప్పడం విశేషం. అలాగే ఎమ్.ఆర్.కేసులో ఉన్న కోనేరు ప్రసాద్, తుమ్మల రంగారావులతో కెసిఆర్, హరీష్ రావు లావాదేవీలు నడిపారని ఆయన ఆరోపించారు