ప్రయోగాత్మకంగా బాంబే టాకీస్

Posted: 05/03/2013 01:43 PM IST

 

 

 

భారతీయ సినిమా వంద సంవత్సరాలు పూర్తి చేసుకున్న సందర్భంగా ఒక టికెట్ మీద నాలుగు ఆటలు

భారతీయ సినిమా విజయాన్ని పురస్కరించుకుని ప్రయోగాత్మకంగా నిర్మించిన బాంబే టాకీస్ ఈ రోజు విడుదలైంది.  నాలుగు కథలను మేళవించి నలుగురు దర్శకులు నిర్మించిన ఈ చిత్రం ఊహించిన విధంగానే మనసుని ఆకట్టుకునే విధంగా ఉంది.  ముఖ్యంగా ఈ కొత్త ప్రయోగాన్ని మెచ్చుకోవలసిందే.

ఇందులో అమితాభ్ బచ్చన్, రాణి ముఖర్జీ, రణదీప్ హుడా, సాఖిబ్ సలీమ్, నవాజుద్దీన్ సిద్దిఖ్వి, సదాశివ అమ్రాపుర్కర్, కత్రినా కైఫ్, వినీత్ కుమార్ లు పరదా మీద కనిపిస్తారు.  అందులో అమితాభ్, కత్రినాలవి గెస్ట్ రోల్స్.  ఇందులో నాలుగు కథలకు వరుసగా కరణ్ జోహార్, జోయా అఖ్తార్, దిబాకర్ బెనర్జీ, అనురాగ్ కశ్యప్ లు. 

ఈ సినిమా నిజంగా వంద సంవత్సరాలు పూర్తిచేసుకున్న సినిమా పరిశ్రమకు నీరాజనమే.  ప్రముఖ దర్శకులు, అమితాభ్, రాణి ముఖర్జీ, కత్రినా కైఫ్ లాంటి అగ్రతారలతో పోటీపడుతూ సినిమాను నాలుగు ముక్కలుగా చేసి ఎలా చూపిస్తారనే కుతూహలం అందరిలోనూ ఉంది.  కానీ దర్శకులు నాలుగు కథలనూ అద్భుతంగా చిత్రీకరించారు.  ఎక్కడా మధ్యలో ఖాళీలు లేకుండా కథాగమనం చురుగ్గా సాగుతూ సున్నితమైన అంశాలను దర్శక ప్రతిభను చూపిస్తూ తెరకెక్కించారు.  నాల్గవ కథలో అమితాభ్ బచ్చన్ అభిమాని అమితాభ్ ఇంటికి వెళ్ళే సన్నివేశంలో అమితాభ్ స్వయంగా నటించారు, నిజంగా ఆయన బంగ్లాలోనే చిత్రీకరణ జరిగింది. 

మొత్తానికి ప్రయోగాత్మకంగా బాంబే టాకీస్ అనే పేరుతో వంద సంవత్సరాలు పూర్తి చేసుకున్న సినిమా కి పేరు తగ్గట్టుగా న్యాయం చేసిన ఘనత నలుగురు దర్శకులకూ దక్కుతుంది.  ఐదు నాలుగు సితారల మార్కులు ఆలోచించకుండా వెయ్యవచ్చు.

-శ్రీజ