గూగుల్ ఎర్త్ తప్పు చేసిందా?

Posted: 04/22/2013 12:02 PM IST

విద్యార్థికి .. గురువు, రోగికి .. డాక్టరు.. ప్రయోగానికి .. పరిశోధకుడు ఎంత విలువు ఇస్తారో.. గూగుల్ ఎర్త్ కూడా అంతే విలువు ఇస్తారు. గూగుల్ ఎర్త్ చెప్పిందంటే అది ఖచ్చితంగా నిజమే అనే స్థాయిలో ప్రపంచం ప్రజలు ఉన్నారు. కానీ అలాంటి గూగుల్ ఎర్త్ ప్రపంచ ప్రజలను మోసం చేస్తుంది. తప్పుడు సమాధానాలు చెబుతుంది. గూగుల్ ఎర్త్ చెప్పిన మాటలు విని కొంత మంది పరిశోధలకు నిరాశఎదురైంది. ప్రపంచాన్ని అరచేతిలో చూపించే గూగుల్ ఎర్త్ పై విమర్శలు వినిపిస్తున్నాయి. భౌగోళిక ప్రపంచాన్ని కళ్లముందు సాక్షాత్కరింపజేసే ప్రఖ్యాత 'గూగుల్‌ ఎర్త్‌' తాజాగా పెద్ద తప్పిదానికి చోటిచ్చినట్టు వెల్లడైంది. లేని భూభాగాన్ని ఉన్నట్టు చూపించింది. న్యూ కలెడోనియాకు వాయువ్యాన వడ్లగింజ పరిమాణంలో ఒక దీవి ఉన్నట్టు చూపించింది. దానికి సాండీ అనే పేరు కూడా ఉన్నట్టు తెలిపింది. ఇంకే ముంది సాండీని ఎలాగైనా సందర్శిం చాలని ఆస్ట్రేలియా పరిశోధకుల బృందం మ్యాప్‌ ఆధారంగా అక్కడికి ప్రయాణించింది. సముద్రంలో సుదూరం ప్రాణాలకు తెగించి ప్రయాణించిన వారికి నిరాశే ఎదురైంది. అక్కడ దీవి ఆనవాళ్లు కాదు కదా మట్టివాసన కూడా వారికి రాలేదు.. అంతా నీళ్లే దర్శనమిచ్చాయి. సాండీని మొదట 1876లో వెలాసిటీ నౌకా బృందం గుర్తించినట్టు తెలు స్తోంది. 1908లో బ్రిటీష్‌కు చెందిన నౌకా అకాడమీ ఒకటి ప్రస్తావించింది. ఆ తర్వాత జరిగిన సాహసయాత్రలో దీవిని కనుగొనడంలో పరిశోధకులు విఫలమయ్యారు. అయితే తాజా పరిశోధనకు నాయకత్వం వహించిన సెటాన్‌ ఆయన సహచరులు మాత్రం 1876నాటి వెలాసిటీ బృందం చెప్పిందంతా అబద్ధమేనని చెపుతోంది. అగ్నిపర్వత లావా త్వరగా చల్లబడి బల్లకట్టులాగా ఏర్పడిన ఏరియాను భూభాగంగా అప్పట్లో భ్రమించివుంటారని చెపుతున్నారు.