Posted: 03/14/2013 04:56 PM IST

మంచు ఫ్యామిలీతో మంచి అనుబంధం పెంచుకున్న పంజాబీ ముద్దుగుమ్మ  తెల్లపిల్ల తాప్సీ  వెండితెరపై తొందరపాటు చర్యలే చేసిందని సినీ పెద్దలు అంటున్నారు. అయితే తెల్లపిల్ల తాప్సీకి కోలివుడ్ లోను గానీ, టాలీవుడ్ లో గానీ  అనుకున్న విజయం సాధించలేదు.  స్టార్ హీరోలతో సినిమాలు చేసిన తాప్సీకి విజయం  మాత్రం వరించలేదు.  ఇలాంటి సమయంలో  మంచు ప్రసన్న లక్ష్మీ నిర్మించిన  ‘గుండెల్లో గోదారి’ సినిమా తాప్పీకి  ఒక దారి చూపించిందట.   తాప్సీ అనుకున్నంత ఈ సినిమాలో లేదని తెలిసిపోవటంతో  ఆమె మనసు గోదారిలా ప్రవహిస్తుందనే విమర్శలు వినిపిస్తున్నాయి.  తాప్సీ పడిన ఆనందం ఆమె  మాటల్లో ..  ‘గుండెల్లో గోదారి’ చిత్రంలో నెగెటివ్ షేడ్స్ వున్న పాత్రను చేయడం నటిగా సరికొత్త అనుభూతినిచ్చింది. గ్లామర్ పాత్రలే కాకుండా నాకు అవకాశమిస్తే ఎటువంటి పాత్రకైనా న్యాయం చేయగలననే నమ్మకం ఏర్పడింది’ అని చెప్పింది తాప్సీ.  నా కెరీర్‌లో తొలిసారిగా ప్రతినాయిక ఛాయలున్న పాత్రను చేశాను. కథ విన్నప్పుడే నా పాత్రలోని నెగెటివ్ కోణం బాగా నచ్చింది. ఎన్ని రోజులు రెగ్యులర్ కమర్షియల్ సినిమాలు చేయాలి? కొంచెం కొత్తగా ఎందుకు ప్రయత్నం చేయకూడదు? ప్రయోగాత్మక పాత్రలు చేస్తే బాగుంటుంది కదా? అనిపించింది. ఎవరైనా సరే నాకు ఛాలెంజింగ్ రోల్స్ ఆఫర్ చేస్తే అందరినీ ఆశ్చర్యపరిచేలా నటనలో మెప్పిస్తాను. ‘గుండెల్లో గోదారి’ చిత్రానికి కోనసీమ ప్రాంతంలో షూటింగ్ చేయడం ఎలాంటి అనుభూతినిచ్చింది? గోదావరి జిల్లాల్లో అద్భుతమైన లొకేషన్స్ వున్నాయి. అక్కడి ప్రకృతి రమణీయతకు ముగ్ధురాలినైపోయాను.

అక్కడి అందాలు చూసిన తర్వాత పాటల కోసం మనం విదేశాలకు ఎందుకు వెళ్తున్నాం అనిపించింది. షూటింగ్ సమయంలో అక్కడి ప్రజలు చూపించిన ఆదరాభిమానాలు మరచిపోలేనివి.  డేవిడ్‌థావన్ కుమారుడి నాకు మంచి స్నేహితుడు. ఇద్దరం కలిసి ఓసారి కాఫీషాప్‌కు వెళ్లాం. దాంతో మా ఇద్దరి మధ్య ఏదో సంబంధం వుందని పుకార్లు పుట్టించారు. ఒక్కకాఫీ వల్ల ఇంత రాద్ధాంతం జరుగుతుందా? అనిపించింది. హీరోయిన్‌గా రిటైరయ్యాక దేశం విడిచి దూరంగా వెళ్లిపోతాను. ఎందుకంటే ఇక్కడ నాకు ప్రైవేట్ లైఫ్ వుండదు. అందరూ సెలబ్రిటీగా చూస్తారు. నాకు సాధారణ జీవితం గడపడం చాలా ఇష్టం. ఢిల్లీలో వుంటే అందరిలో ఒకరిగా మామూలు అమ్మాయిలాగే వుంటాను.