Posted: 03/13/2013 11:40 AM IST

ఢిల్లీలో వైద్య విద్యార్థిని పై అత్యాచారం చేసిన నిందితులలో ప్రధాన నిందితుడు రామ్ సింగ్ తీహార్ జైల్లో ఫ్యాన్ కి ఉరేసుకొని ఆత్మహత్య చేసుకున్న విషయం తెలిసిందే. ఈయన ఆత్మహత్య అనంతరం తీహార్ జైల్లో జరిగే కొన్ని భయంకరమైన నిజాలు బయటికి వస్తున్నాయి. అత్యాచారం చేసి ఆజైలుకు వెళ్లిన నిందుతుల పై అత్యాచారం చేస్తారట అక్కడి ఖైధీలు. ఆశ్చర్యకరమైన విషయం ఏంటంటే... కొత్తగా చేరిన ఖైదీని పంచుకోవడానికి కొట్టుకుంటారట. ఇక నిర్భయ కేసులో నింధితులు "మమ్మల్ని కాల్చి చంపేయండి. కానీ, మళ్లీ తీహార్ జైలుకు మాత్రం పంపించొద్దు! ప్లీజ్.. కనికరించండి' అంటూ వారు తమ తమ న్యాయవాధులతో మెరపెట్టుకున్నారంటే అక్కడ ఏ మేర స్వలింగ సంపర్కం జరుగుతుందో చెప్పనక్కర్లేదు. అయితే ఈ విషయాలన్నీ రామ్ సింగ్ తండ్రి వెల్లడించడం కొన మెరుపు.

అయితే తీహార్ జైల్లో అత్యాచారాలు కొత్తేమీ కాదట. అక్కడ ఈ తంతు కొన్ని సంవత్సరాల నుండి జరుగుతుందట.  రెండేళ్ల కిందట ఇండియన్ జర్నల్ ఆఫ్ మెడికల్ రిసెర్చి ఓ అధ్యయనం చేసింది. జైల్లో స్వలింగ సంపర్కం సర్వసాధారణమని, తీహార్ జైల్లో ఈ పరిస్థితి దారుణంగా ఉందని 1981లోనే పౌర హక్కుల సంఘాల నేతలు స్పష్టం చేశారు. ఏళ్లతరబడి జైళ్లలోనే మగ్గుతుండడంతో స్వలింగ సంపర్కుల సంఖ్య పెరుగుతుందని అంటున్నారు. ఒక్క తీహార్ జైల్లోనే 6-8 శాతం మంది ఎయిడ్స్ వ్యాధిగ్రస్తులని గణాంకాలు చెబుతున్నాయి.

మరో వైపు రామ్ సింగ్ ది హత్యేనని అతని సోదరుడు ఆరోపించాడు. డెడ్ బాడీపై గాయాలున్నాయని, గొంతు చుట్టూ వేళ్ళ ముద్రలు ఉన్నాయని, వాటిని నేను పసిగట్టానని అన్నాడు. ఇక ఈయన మరణం పై విచారణ జరిపి వారం రోజుల్లోగా నివేదికను అందజేయాలని అధికారులను మానవహక్కుల సంఘం ఆదేశించింది. రామ్ సింగ్ ఆత్మహత్య చేసుకున్నాడని జైలు అధికారులు కోర్టుకు నివేదిక సమర్పించారు. ఇందులో ఏది నిజమో తెలియాలంటే... నివేదిక వచ్చేవరకు ఆగాల్సిందే.