Posted: 03/12/2013 12:30 PM IST

తెలంగాణ పై చంద్రబాబు వైఖరి నచ్చక తెలుగు దేశం పార్టీ నుండి బయటకు వచ్చి తెలంగాణ నగార సమితి ఏర్పాటు చేసుకున్న నాగం జనార్థన్ రెడ్డి తెలుగుదేశం పార్టీ అధినేత చంద్రబాబు నాయుడు పై తనదైన శైలిలో విరుచుకుపడ్డారు. చంద్రబాబు బడ్బెట్ సమావేశాలకు దూరంగా ఉండటం సరికాదని, అలా దూరంగా ఉండమనే పనికి  మాలిన సలహాలు ఎవరు ఇస్తున్నారో చెప్పమని అన్నారు. ఒక ప్రతి పక్షనేతగా ప్రభుత్వాన్ని నిలదీయాల్సిన వాడే ఇలా రోడ్లవెంట తిరిగితే ఎలా అని, ఆ గాలి తిరుగుడు మాని అసెంబ్లీ సమావేశాలకు హాజరు కావాలని ఆయన అన్నారు.

చంద్రబాబు ఒంటెద్దు పోకడల వలనే పార్టీ పరిస్థితి దిగజారి పోయిందని, పాదయాత్రలకు విరామం పలికి అసెంబ్లీ సమావేశాలకు హాజరుకావాలని ఆయనకు సూచించారు. ప్రజలు పుట్టెడు కష్టాల్లో ఉంటే శానససభలో కూర్చుని ప్రభుత్వాన్ని నిలదీయాల్సింది పోయి రోడ్లపై తిరగడం పద్ధతి కాదని ఆయన అన్నారు. ప్రభుత్వ పరిస్థితిలో అవిశ్వాస తీర్మానం ప్రతిపాదిస్తే ముఖ్యమంత్రి కిరణ్ కుమార్ రెడ్డి ప్రభుత్వం కూలిపోవడం ఖాయమని నాగం అన్నారు.