Posted: 02/15/2013 04:09 PM IST

పుట్టిన రోజు పండగను  రాజకీయ నాయకులు ఎంతో అట్టహాసంగా జరుపుకుంటారని అందరికి తెలుసు. ఇటీవల  ఒక కేంద్ర మంత్రి పుట్టిన రోజు నాడు  రికార్డు డ్యాన్స్  తో సందడి చేసినట్లు వార్తలు వచ్చాయి.  ఒక రాజకీయ పార్టీ అధినేత  పుట్టిన రోజు అంటే   ఆ పార్టీ  నాయకులకు, కార్యకర్తలకు  పెద్ద పండగేనని చెప్పాలి.  పుట్టిన రోజు కు రెండు రోజుల ముందే  పార్టీ కార్యాలయం నుండి  ఆ నాయకుడి ఇంటి వరకు హడవుడి ఎక్కువుగా ఉంటుంది. అయితే  ఈ సారి మాత్రం  ఒక రాజీకీయ పార్టీ అధినేత తన పుట్టిన రోజు జరుపుకోనని  ప్రకటన చేశారు. ఆయన ఎవరో కాదు . తెలంగాణ ముద్దు బిడ్డ,  తెలంగాణ రాష్ట్ర సమితి  అధ్యక్ష్యుడు కల్వకుంట్ల చంద్రశేఖర రావు ( కేసిఆర్).  ప్రతి సంవత్సరం   ఎంతో అట్టహాసంగా  తన జన్మదిన వేడుకను జరుపుకొనేవారు. కానీ ఈసారి మాత్రం కేసిఆర్ జన్మదిన వేడుకలకకు  దూరంగా ఉండాలని  నిర్ణయించుకున్నట్లు తెలుస్తోంది.   ఇప్పుడు కేసిఆర్ 59 సంవత్సరాలు పూర్తిగా నిండాయి. 60వ వేట అడుగుపెట్టబోతున్నారు.  1954, ఫిబ్రవరి  17న  కేసిఆర్ జన్నించిన ఆయన ఈసారి తన పుట్టిన రోజు వేడుకలు  జరుపుకోకూడదని  నిర్ణయించారు.   తెలంగాణలో  యువత,  విద్యార్థల ఆత్మహత్మలు,  జరుగుతున్న నేపథ్యంలో  కేసిఆర్   మనస్తాపంతో  ఈ నిర్ణయం తీసుకోవటం జరిగినట్లు  ఆపార్టీ నాయకులు చెబుతున్నారు. అయితే ఏ సంవత్సరం కూడా  ఇటువంటి కఠిన నిర్ణయాన్ని  కేసిఆర్ ప్రకటించకపోవడం, అనుహ్యంగా  2013లో  ప్రకటించడం  పార్టీ శ్రేణుల్లో  ఒకింత నిరుత్సాహం  అవహించినట్లుయింది.  అయితే పార్టీ నాయకులు  కేసిఆర్ బర్తడే కోసం  గజమాలను  అర్డర్లు  కూడా  ఇవ్వటం జరిగిందట.  కేసిఆర్ నిర్ణయంతో  ఆ గజమాలలను ఏం చేయాలో  తెలియక  నేతలు,  అనుచరలు తలపట్టుకున్నారు.  ఉచిత వైద్య శిబిరాలు, రక్తదాన శిబిరాలను నిర్వహించాలని   ఉవ్విళ్లూరుతున్న  నేతలకు  కూడా కేసిఆర్  నిర్ణయంతో  నిరుత్సాహం  అవహించింది.   అయితే కేసిఆర్ మాత్రం సోనియా గాంధీ బాటలో నడిచినట్లు తెలుస్తోంది.  ఢిల్లీలో వైద్య విద్యార్థిని  గ్యాంగ్ రేప్ తో  సోనియా తన పుట్టిన రోజు  వేడుకలకు  దూరంగా ఉన్న విషయం తెలిసిందే. ఇప్పుడు కేసిఆర్ కూడా  సోనియాను అనుకరించారా అనిపిస్తోందని.. ఆ పార్టీ  సీనియర్ నాయకులు అంటున్నారు.