Posted: 02/15/2013 12:15 PM IST

అవినీతిని అంతం చేస్తాం,  లంచం తీసుకోవటం తప్పు,  లంచం ఇవ్వటం కూడా పెద్ద తప్పు అని  మన పెద్దలు నల్ల బోర్డు మీద  దాటికాయంత  తెల్ల అక్షరాలతో  రాసి పెడుతుంటారు. కానీ  అవి బోర్డుకే పరిమితం అని ఒక బడా వ్యాపారవేత్త తెల్చి చెప్పారు.  ప్రపంచ వ్యాప్తంగా  వ్యాపారాలు  చేయాలంటే  లంచాలు తప్పనిసరిగా ఇవ్వాలని  బెర్లుస్కోనీ  అంటున్నారు.   అది వ్యాపారంలో ఓ భాగమని ఇటలీకి మూడుసార్లు  ప్రధానిగా  వ్యవహరించిన  సిల్వియో బెర్లుస్కోనీ   చెబుతున్నారు.  అగస్టా వెస్ట్  ల్యాండ్ హెలికాప్టర్ల  కుంభకోణంలో  అరెస్టయిన  ఫిన్ మెకానికా మాజీ  సీఈవో   గ్యుసెప్పే ఒర్సిని  ఆయన ఇలా సమర్థించుకొచ్చారు.  లంచాలు .. అమల్లో ఉన్న ఓ ప్రక్రియ. తప్పనిసరి పరిస్థితుల్లో  వాటి  ఉనికిని    తోసిపుచ్చడం వల్ల లాభం లేదు. అవి నేరాలు కాదు.  ఆ దేశంలోని  ఒకరికి  కమీషన్  చెల్లించడం   అని అంటారు ఆయన.  ఎందుకంటే  ఆ దేశంలో  ఉన్న నిబంధనలు అవే మరిఅని ఆయన బ్లూమ్ బర్గ్  మీడియాతో చెప్పినట్లు  సమాచారం.  విదేశాలతో  ఇటలీ  సంస్థలు  కుదుర్చుకున్న ఒప్పందాల్లో ఇటలీ   ప్రాసిక్యూటర్లు దర్యాప్తులు  జరపడం.. ఆర్థిక  ఆత్మ హత్యలతో  సమానమని బెర్లుస్కోనీ  అన్నట్లు  ఇటలీ వార్తా సంస్థ  ఏఎన్ఎస్ఏ పేర్కొంది.  గ్యుసెప్పే ఒర్సిని  అరెస్టు  రాక్షసానందమని, ఇది ఇటలీ వ్యాపార అవకాశాలను  దెబ్బతీస్తుందని  పేర్కొన్నారు.  ఇలాగైతే  ఇక  ఎనీ (చమురు  సంస్థ) ,  ఎనెల్  (విద్యుత్  ఉత్పత్తి  సంస్థ)  లేదా ఫిన్ మెకానికాల (రక్షణ  సంస్థ) తో ఎవ్వరూ చర్చలు జరపరు.  వ్యాపారాలు  చేయరు.  ఇవి పనికిరాని నీతులు.. ఇవే కావాలనుకుంటే  ప్రపంచ స్థాయి  సంస్థగా  మీరు ఎదగలేరు అని  ఆయన మండిపడ్డారు.  భారత్ కు  అగస్టా వెస్ట్ ల్యాండ్  హెలికాప్టర్ల  సరఫరా  ఒప్పందంలో  రూ. 362 కోట్లు ముడుపులుగా  చేతులు  మారినట్లు  ఆరోపణలు వచ్చిన సంగతి తెలిసిందే. అవినీతి  పన్ను మోసాల ఆరోపణలపై   తమ సీఈవో గిస్పె ఓర్సీని  ఇటలీ పోలీసలు  అరెస్టు చేసిన  నేపథ్యంలో  నూతన   సీఈవోగా అలెస్సాండ్రో  పాన్సాను  ఫిన్ మెక్కానికా  నియమించింది.