Posted: 01/12/2013 10:24 AM IST

ఎప్పుడు ఆ సినిమా వస్తుందా?  ఎప్పుడు  ఆ సినిమా ఆయన ఒప్పుకుంటారా?  ఆ సినిమా ఎలా ఉంటుందని? ఆ సినిమా ఏ దర్శకుడుతో  తీస్తారు?  అనే ప్రశ్నలు  మెగా అభిమానుల మనుసులో తిరుగుతున్నాయి.  అయితే  ఈ రోజు  కేంద్ర పర్యాటక శాఖ మంత్రి  మెగా స్టార్  చిరంజీవి మెగా అభిమానుల  కోరిక తీరుస్తానని అన్నారు.  ఆ అవకాశం  కోసమే  నేను ప్రయత్నిస్తున్నాని ఆయన అన్నారు.  కేంద్ర మంత్రిగా ఉన్నప్పటికి సినిమా రంగం గురించి ఆలోచిస్తున్నట్లు ఆయన చెప్పారు.  మెగా అభిమానుల కోరిక తీర్చేందుకు సమయం కోసం చూస్తున్నా... మంచి కథ దొరికితే 150వ సినిమాలో నటించి సత్తా చాటుతా... ఇదీ మెగాస్టార్ చిరంజీవి మనసులోని మాట. తూర్పు గోదావరి జిల్లా గండేపల్లి మండలం సూరంపాలెంలోని ఆదిత్య ఇంజనీరింగ్ కళాశాలలో జరుగుతున్న కలర్స్ యువజనోత్సవాల్లో పాల్గొనేందుకు ఆయన విచ్చేశారు. చిరంజీవిని చూసేందుకు విద్యార్థులు, అభిమానులు ఎగబడ్డారు. ఇక్కడ ఇంత మంది విద్యార్థులను చూస్తుంటే తన కాలేజీ రోజులు గుర్తుకు వస్తున్నాయన్నారు. ఈలోగా విద్యార్థులు మెగాస్టార్... మెగాస్టార్ అంటుంటే ఇంతమంది అభిమానాన్ని కూడగట్టుకున్న తాను నిజంగా అదృష్టవంతుడినేనని చెప్పారు. 150వ సినిమా ఎప్పుడంటూ విద్యార్థులు బిగ్గరగా అరిచారు. మీ అభిమానాన్ని చూస్తుంటే 150వ సినిమా ఎందుకు చేయకూడదని మనసు కోరుకుంటోందని, మంచి కథ లభిస్తే మీ కోరిక తీరుస్తా, చిరు సత్తా చాటుతానంటూ చిద్విలాసంతో చెప్పారు. యువజనోత్సవాలు విద్యార్థులకు ఎంతో ఉపయోగకరమని చదువుతో పాటు వ్యక్తిత్వ వికాసం, విషయ సంగ్రహణ, సమష్టి కార్యసాధన వంటి లక్షణాలను అలవర్చుకోవచ్చన్నారు. యువజనోత్సవాల వలన విద్యార్థుల్లో దాగివున్న బిడియం, భేషజాలను పోగొట్టుకోవచ్చన్నారు.  2013 లో  మెగా స్టార్  చిరంజీవి 150వ సినిమా రావాలని  కోరుకుందాం...