Posted: 01/11/2013 07:20 PM IST

భారత్-పాక్ సరిహద్దుల్లో దాయాది పాకిస్థాన్ సైన్యం భారత సైన్యంపై కాల్పులకు తెగబడింది. దీంతో దేశ సరిహద్దుల్లో తీవ్ర ఉధ్రిక్తత చోటుచేసుకుంది. సరిహద్దులోని పలు చోట్ల సైన్యం కాల్పులు జరిపింది. వెంటనే భారత సైన్యం అప్రమత్తమై పాక్ సేనల కాల్పులను తిప్పికొట్టింది.  భారత్-పాక్ సరిహద్దుల్లో నెలకొన్న ఉధ్రిక్త పరిస్థితులపై రక్షణ మంత్రి ఏకే ఆంటోనీ స్పందించారు. భారత సైన్యం ఎలాంటి పరిస్థితులనైనా ఎదుర్కొవడానికి సిద్ధంగా ఉందని ఆయన స్పష్టం చేశారు. దేశ భద్రతకు వచ్చిన ముప్పేమీలేదని ఆయన ప్రజలకు హామీనిచ్చారు.  అయితే  పాక్ దళాలు తిరిగి  కవ్వింపు చర్యలకు పాల్పడుతున్నాయి.   క్రిష్ణఘాటి, సోనఘాటి, సెక్టార్లలోని  ఎనిమిది  భారత  స్థావరాలపై పాక్ దళాలు   కాల్పులు జరిపాయి.   అయితే ఈ కాల్పులు ఎందుకు జరుపుతున్నట్లు  మాత్రం అర్థం కావటం లేదు.  ఒక పాకిస్థాన్  నాయకులు  మేము  కాల్పులు విరమించాం అని మీడియా ద్వారా ప్రకటనలు చేస్తూ, ఇలా కవ్వింపు చర్యలకు పాల్పడుతుంది.  ఈ విధంగా బరితెంపు చర్యలు చేస్తే  తగిన గుణపాఠం చెబుతామని  భారత్ సైన్యం అంటుంది.