Posted: 12/23/2012 02:10 PM IST

భారత క్రికెట్ దిగ్గజం, మాస్టర్ బ్లాస్టర్ సచిన్ టెండూల్కర్ వన్డే క్రికెట్ కు రిటైర్మెంట్ ప్రకటించారు. కొంతకాలంగా సచిన్‌ రిటైర్మెంట్‌పై చర్చ జరుగుతున్న విషయం తెలిసిందే. ఈ నేపథ్యంలో యావత్ భారత దేశానికి షాకిస్తూ ఇలాంటి నిర్ణయం తీసుకోవడం ఆశ్చర్యానికి గురించి చేసింది. గత కొద్దికాలంగా వైఫల్యాల బారిన పడిన సచిన్ తప్పుకోవాలని పలువురు సూచించిన విషయం తెలిసిందే. ఇప్పటి వరకు ఆ కామెంట్ల పై స్పందించని సచిన్ ఇలాంటి నిర్ణయం తీసుకోవడం చర్చనీయాంశమైంది. 463 వన్డేలు ఆడిన సచిన్ 18426 పరుగులు చేశాడు. వన్డేలలో 49 సెంచరీలు, 96 అర్ధ సెంచరీలను సచిన్ నమోదు చేశాడు. 16 ఏళ్ల వయస్సులో పాకిస్థాన్ పై వన్డే ఇంటర్నేషనల్ మ్యాచ్ ను ప్రారంభించిన సచిన్.. చివరి వన్డే కూడా పాకిస్థాన్ తో ఆడటం విశేషం. వన్డేలకు సచిన్‌ గుడ్‌బై చెప్పిన మాట నిజమేనంటూ బీసీసీ సచిన్‌ రిటైర్మెంట్‌ను ధృవీకరించింది.

అనంతరం మీడియా తో మాట్లాడిన సచిన్... న్డేలకు గుడ్‌బై చెప్పిన మాట వాస్తమేనని టెస్టుల్లో కొనసాగుతానని సచిన్‌ ప్రకటించారు. తనకు అండగా నిలిచిన సహచరులు, బీసీసీఐ సభ్యులు, క్రికెట్‌ అభిమానులకు ఆయన కృతజ్ఞతలు తెలిపారు. టీమిండియా భవిష్యత్‌ ఉత్తమంగా ఉండాలని ఆయన ఆకాంక్షించారు. 2015 ప్రపంచకప్‌కు ఇప్పటి నుంచే సన్నాహక ప్రక్రియ ప్రారంభించాలని టీంకు సూచించారు. సచిన్ నిర్ణయం ఆశ్చర్యానికి గురిచేసిందని మాజీ సెలక్టర్ శ్రీకాంత్ అన్నారు.