Posted: 12/11/2012 04:03 PM IST

ఈ ఇద్దరు దేశ పరువు కోసం, దేశ పేరు కోసం మైదానంలో రెచ్చిపోయి భారతదేశానికి కీర్తి సంపాదించి పెట్టారు. కానీ ఇప్పుడు విడిపోయి కొట్టుకుంటున్నారు. ఈ ఇద్దరు మంచి క్రికెటర్లు. కానీ ఇప్పుడు  ఇద్దరు మారిపోయారు. ఒకరంటే ఒకరి కోపం, ఒక మీద ఒకరు విమర్శలు చేసుకొనే పనిలో ఉన్నారు.   ఒకరు కాంగ్రెస్ పార్టీ , మరొకరు బీజేపి పార్టీ?  ఒక దేశం కోసం ఆడిన ఈ ఇద్దరు ఇప్పుడు ఒకే దేశం లో రెండు వర్గాలుగా విడిపోయారు. రెండు రాజకీయ పార్టీలో చేరి .. విమర్శలు చేసుకొనే స్థాయి ఎదిగిపోయారు. ఈ ఇద్దరు క్రికెటర్లుగా ఉన్నప్పుడు ప్రపంచమంత అభిమానులు ఉన్నారు. ఇప్పుడు  ఆయా పార్టీల్లోనే అభిమానులు ఉన్నారు. ఈ ఇద్దరు ఇప్పుడు గుజరాత్ లో పోటీ పడుతున్నారు. తొలిదశ పోలింగ్‌కు గుజరాత్‌ సిద్ధమవుతోంది. ప్రచారం క్లైమాక్స్‌కు చేరడంతో.. స్టార్ క్యాంపెయినర్లు రంగంలోకి దిగారు. ఒకప్పుడు దేశం కోసం కలిసి ఆడిన క్రికెటర్లు.. ఇప్పుడు పార్టీల కోసం ప్రత్యర్థులుగా మారిపోయారు. గుజరాతీలను ఎంటర్‌టైన్‌ చేశారు. అజరుద్దీన్. క్రికెట్‌లో మణికట్టు మాంత్రికుడు. సక్సెస్‌ఫుల్‌ కెప్టెన్‌. ప్రస్తుతం కాంగ్రెస్‌ తరఫున మొరాదాబాద్ ఎంపీ.నవ్‌జ్యోత్‌ సిద్ధూ. క్రికెటర్‌గా, వ్యాఖ్యాతగా పాపులర్. పంజాబ్‌లోని అమృత్‌సర్‌ నుంచి బీజేపీ తరఫున లోక్‌సభకు వరుసగా ఎన్నికైన మాస్‌ లీడర్. వీళ్లిద్దరూ ఇప్పుడు గుజరాత్‌ వేదికగా తలపడుతున్నారు. తమ సొంత పార్టీల తరఫున విస్తృతంగా ప్రచారం చేశారు. మోడీని ప్రశంసలతో ముంచెత్తిన సిద్ధూ.. భారత్‌ను బంగారు పక్షిగా మార్చేందుకు ఆయన ప్రయత్నిస్తున్నారని అన్నారు. రాజకీయ నాయకులపై ప్రజల్లో విశ్వాసం సన్నగిల్లినా.. గుజరాతీలు మాత్రం తమ పిల్లలు మోడీలా కావాలని కోరుకుంటున్నారని చెప్పారు. ఇటు.. జామ్‌నగర్‌లో అజరుద్దీన్‌ దూసుకెళ్లారు. సభలు నిర్వహించకపోయినా.. రోడ్‌షోలతో మాస్‌కు దగ్గరయ్యే ప్రయత్నం చేశారు. ఒకప్పుడు గ్రౌండ్‌లో షాట్లు కొట్టి మ్యాచ్‌లు గెలిపించిన వీళ్లిద్దరూ.. ఎన్నికల ప్రచార బరిలో ఎవరి దూకుడు ఫలిస్తుందో చూడాలి.