Posted: 11/01/2012 07:23 PM IST

పీసీసీ చీఫ్ బొత్స సత్యనారాయణ ఇంట్లో  పెళ్లి సందడి మొదలైంది. బొత్సవారింట పెళ్లి సందడి - విజయనగరానికి విఐపిల తాకిడి. పిసీసీ చీఫ్‌ బొత్స సత్యనారాయణ కుమార్తె సత్యశ్రీ అనూష వివాహం., విశాఖకు చెందిన డాక్టర్‌ భరత్‌ కుమార్‌తో సత్యశ్రీ అనూష పరిణయం. వివిఐపిల భద్రత కోసం అప్రమత్తమైన పోలీస్‌ యంత్రాంగం. పిసిసి చీఫ్‌ బొత్స సత్యనారాయణ, ఎంపి ఝాన్సీల కుమార్తె సత్యశ్రీ అనూష వివాహం విజయనగరంలో వైభవంగా జరగనుంది. స్థానిక ప్రదీప్‌నగర్‌ ఏరియాలో ఈ వివాహం నిర్వహించేందుకు ఏర్పాట్లు చేశారు. భారీ సెట్టింగ్‌లతో కళ్యాణ మండపాన్ని తీర్చిదిద్దారు. బొత్స కుమార్తె వివాహానికి వివిఐపిలు రానున్న దృష్ట్యా విజయనగరాన్ని సుందరంగా తీర్చిదిద్దారు. కాంగ్రెస్‌ శ్రేణులు, బొత్స అభిమానులు ఉత్సాహంగా  పెళ్లిపనుల్లో నిమగ్నమయ్యారు. వివిఐపిల భద్రత కోసం పోలీస్‌ యంత్రాంగం అప్రమత్తం అయ్యింది. ప్రదీప్‌నగర్‌ ప్రాంతాన్ని తమ అధీనంలోకి తీసుకుని, అడుగడుగునా నిఘా ఏర్పాటు చేశారు.