Posted: 10/31/2012 12:21 PM IST

తెలుగుదేశం పార్టీ అధినేత మాజీ ముఖ్యమంత్రి నారా చంద్రబాబు నాయకుడు చేపట్టిన ‘వస్తున్నా .. మీ కోసం’ పాదయాత్ర నేటితో 500 కిలోమీటర్లు పూర్తి చేసుకుంది. చంద్రబాబు నాయకుడు 29 రోజుల్లో మూడు జిల్లాల్లో పాదయాత్ర విజయవంతంగా  ముందుకు దూసుకుపోతుంది.  ఇప్పటి వరకు మూడు జిల్లాల్లో 192 గ్రామాల్లో  బాబు పాదయాత్ర సాగింది.  చంద్రబాబు పాదయాత్ర ఆత్మకూరు  మండలంలోని  ఆత్మకూరు గ్రామానికి చేరేటప్పటికీ 500 కిలోమీటర్ల  మైలురాయిని  దాటింది.    అయితే మహబూబ్ నగర్  జిల్లా  పాదయాత్రలో  భాగంగా  గద్వాల్  సమావేశ ప్రాంగణం  కూప్పకూలడంతో  బాబుకి స్వల్ప గాయాలుకావడంతో  పాటు వెన్ను నొప్పితో  ఆయన తీవ్రంగా  భాదపడిన విషయం తెలిసిందే.   దీంతో  ఒక రోజు పాటు వస్తున్నా.. మీ కోసం  పాదయాత్ర  వాయిదాపడిన విషయం తెలిసిందే.  బాబు విశ్రాంతి తీసుకోవాలని అటు డాక్టర్లు,  అటు కుటుంబ సభ్యులు,  పార్టీ  సీనియర్  నాయకులు  ఎంత వారించినా  ఆయన తన  పాదయాత్రను  ముందుకు  సాగించడం జిల్లాలోని పార్టీ శ్రేణుల్లో  మరింత ఉత్సాహం నింపింది.  బాబుకు వస్తున్నా..  మీకోసం  పాదయాత్రతో  వస్తున్న  ప్రజాదరణతో  కుటుంబ సభ్యుల్లో  కూడా నూతన ఉత్సాహం కలిగిస్తున్నట్లు  తాజా పరిణామాలు స్పష్టం చేస్తున్నాయి.  రాష్ట్రంలో  వైఎస్ఆర్ కాంగ్రెస్ పార్టీ కూడా పాదయాత్ర చేస్తున్న విషయం తెలిసిందే. షర్మిల పాదయాత్ర ఇప్పుడు అనంతపురం జిల్లాలో జరుగుతుంది.  షర్మిల పాదయాత్ర  ఇప్పటికి 13 పూర్తిచేసుకొని 176.30 కిలోమీటర్లు పూర్తి చేశారు.  చంద్రబాబు 9 రోజుల్లోనే 111 కిలో మీటర్లు నడిచి రికార్డు సంపాదించారు.  60 సంవత్సరాలు దాటిన చంద్రబాబు  ఇంత వేగం నడవటం చాలా ఆశ్చర్యంగా ఉందని పార్టీ నాయకులు అంటున్నారు.  కేవలం 29 రోజుల్లో బాబు 500 కిలో మీటర్లు పాదయాత్ర చేయటం పై పార్టీ నాయకులు, ఆయన అభిమానులు ఆనందం వ్యక్తం చేస్తున్నారు.