If I Was Resigning I Would Not Be Here Pm

Posted: 09/01/2012 01:44 PM IST

Manmohan-singh ప్రస్తుతం జరుగుతున్న పార్లమెంటు సమావేశాలను (కోల్ గేట్) బొగ్గు స్కాం కుదిపేస్తున్న విషయం తెలిసిందే. బొగ్గు కేటాయింపుల్లో భారీ అవకతవకలు ఉన్నాయని కాగ్ ఇచ్చిన నివేదికను ఆధారంగా చేసుకొని ప్రతిపక్షాలు ప్రభుత్వం పై దాడికి దిగడమే కాకుండా, ప్రధాని రాజీనామా చేయాలని పట్టుబడుతున్నాయి. అయితే దీని పై స్పందించిన ప్రధాని కాగ్ నివేదికకు నైతిక బాధ్యత వహించి రాజీనామా చేసే ప్రశ్నే లేదని ఆయన తేల్చి చెప్పారు. ప్రతిపక్షాలు చేస్తున్న గొడవ పై ప్రధాని మండిపడ్డారు. కోల్ గేట్ స్కాంని ఆధారంగా చేసుకొని ప్రధాన ప్రతిపక్షం అయిన బీజేపీ దుష్ప్రచారం చేస్తుందన, 2014లోపే అధికారాన్ని దక్కించుకోవడానికి ప్రయత్నిస్తుందని, అందుకోసమే పార్లమెంట్ సమావేశాలను బీజేపీ సాగనివ్వడం లేదని ప్రధాని విపక్షాల పై ధ్వజం ఎత్తారు.