Ap Minister Dharmana Charged In Jagan Case May Quit

Posted: 08/14/2012 12:02 PM IST

AP minister Dharmana charged in Jagan case, may quit

వాన్ పిక్ వ్యవహారంలో మంత్రి మీద పడిన మరకను మాయం చేసేందుకు ధర్మాన కొత్త ఆలోచన చేశారు. తన మంత్రి పదవికి రాజీనామా చేసే యోచనలో మంత్రి ధర్మాన ఉన్నట్లు తెలుస్తోంది. అభియోగాలు ఎదుర్కొంటూ మంత్రి వర్గంలో కొనసాగరాదని భావిస్తున్నట్లు సమాచారం. అయితే ధర్మాన తన రాజీనామా లేఖను ముఖ్యమంత్రి, గవర్నర్ కు పంపే అవకాశం ఉందని కాంగ్రెస్ నాయకులు అంటున్నారు. ఆత్మప్రబోధం మేరకు రాజీనామా చేస్తానని తన సన్నిహితుల వద్ద మంత్రి ప్రస్తావించినట్లు తెలుస్తోంది. అయితే కొంత మంది మంత్రులు ధర్మానను ఒదార్చటానికి కొంతమంది మంత్రులు ప్రయత్నాలు చేస్తున్నారు. ధర్మాన ప్రసాద రావు రాజీనామా యోచనను విరమించుకోవాలని సహచర మంత్రులు ఆయనకు సూచినట్లు సమాచారం. ఢిల్లీలో ఉన్న ధర్మానతో పలువురు మంత్రులు ఫోన్లో సంప్రదింపులు జరిపినట్లు తెలుస్తోంది. ఈ రోజు మధ్యాహ్నం ఒంటిగంటకు ధర్మాన ఢిల్లీ నుంచి హైదరాబాద్ కు బయలుదేరనున్నారు. ఛార్జీ షీట్ లోని అంశాలను పరిశీలించిన తర్వాత సాయంత్రం ముఖ్యమంత్రి కిరణ్ కుమార్ రెడ్డితో ఆయన భేటికానున్నారు. ఛార్జీషీట్ లో అంశాలను పరిశీలించాకే మరోసారి ఢిల్లీ పెద్దలకు వివరణ ఇచ్చే యోచనలో ధర్మాన ఉన్నట్లు తెలుస్తోంది.