Bjp Leader Vidyasagar Rao Comments On Telanagana

Posted: 06/30/2012 11:02 AM IST

BJP Leader Vidyasagar Rao Comments On Telanagana

ప్రత్యేక తెలంగాణ రాష్ట్రం ఏర్పాటు కాకుండా ప్రణబ్ ముఖర్జీ పెద్ద అడ్డంకిగా మారారని బిజెపి సీనియర్ నాయకుడు, కేంద్రహోం శాఖ మాజీ సహాయ మంత్రి సిహెచ్ విద్యాసాగరరావు ఆరోపించారు. పార్టీ రాష్టక్రార్యాలయంలో పాత్రికేయులతో మాట్లాడుతూ యుపిఎ-1, యుపిఎ-2లు అవినీతి, అసమర్ధ పాలనతో భారత ప్రతిష్టను దిగజార్చారని, ప్రణబ్ ఎంపికతో అసమర్ధత పతాకస్థాయికి చేరిందని ఆరోపించారు. రాష్టప్రతి ఎన్నికల్లో కూడా కాంగ్రెస్ ప్రభుత్వం పార్టీలను చీల్చే వైఖరిని ప్రదర్శిస్తోందని అన్నారు. ప్రత్యేక తెలంగాణ, ప్రత్యేక విదర్భపై సంగ్మా తన నివేదిక ఇచ్చారని, కాని రాజీవ్‌గాంధీ అది అమలుకాకుండా బుట్టదాఖలు చేశారని పేర్కొన్నారు. ప్రత్యేక తెలంగాణ కోసం రాజ్యాంగ సంక్షోభాన్ని సృష్టించాలని పెద్ద పెద్ద మాటలు చెప్పిన నేతలు ఇపుడు ఎక్కడ ఉన్నారని ఆయన నిలదీశారు. సమస్యలు వచ్చినపుడు తెలంగాణ అంశం మాట్లాడుతున్నారని, యుపిఎ -1 సమయంలో తెలంగాణ రాకుండా ఉద్యమ గర్భవిచ్ఛిత్తికి పాల్పడ్డారని, యుపిఎ-2లో మరోమారు ఇపుడు అలాంటి ప్రయత్నాలు జరుగుతున్నాయని ఆయన ఎద్దేవా చేశారు. రాయల తెలంగాణను ఏ విధంగానూ తాము ఆమోదించేది లేదని ఆయన స్పష్టం చేశారు.